لە سووریا، ھاووڵاتییان بەردەوامن لە ھەوڵەکانیان بۆ زانینی چارەنووسی ڕۆلە و کەسوکارە بەندکراوانیان کە لە گرتووخانەکانی ڕژێمی ڕووخاوی سووریا، بەشار ئەسەد-دا بەھۆی ئەشکەنجەدانەوە کوژراوان، ئەوەش لە میانی وێنەی ئەو تەرمانانەی کە لەسەر دیواری نەخۆشخانەی موجتەھید لە دیمەشقی پایتەخت، ھەڵواسراون.
دوای بڵاکردنەوەی وێنەی تەرمی ئەو بەندکراوانەی کە لە گرتووخانەکانی ڕژێمی ڕووخاوی سووریا، بەشار ئەسەد-دا بەھۆی ئەشکەنجەدانەوە کوژراون، ژمارەیەکی زۆر لە ھاووڵاتییان لە بەردەم نەخۆشخانەی موجتەھید گردبوونەوە.
بەپێی ئەو زانیارییانەی کە دەست کەوتوون، نزیکەی 40 تەرم کە ئاسەواری ئەشکەنجەدانیان پێوە دیارە، لە بەشی مەیتخانەی نەخۆشخانەی سەربازی حەراستا لە دیمەشق بۆ توێکاری گوازراونەتەوە بۆ نەخۆشخانەی موجتەھید.
ھەر بەپێی زانیارییەکان، ئەو بەندکراوانەی کە لە گرتووخانەکانی ڕژێمی ڕووخاوی بەشار ئەسەد لە ئەنجامی ئەشکەنجەدان کوژراون، زوو گواستراونەتەوە بۆ نەخۆشخانەکە.
کۆمێنت (0)
تا ئێستا هیچ کۆمێنتێک نەکراوە.