ئەنجوومەنی وەزیرانی عێراق رەتی كردەوە رێنماییان دەركردبێت بۆ ئەوەی سبەی سێشەممە لە تەواوی پارێزگاكانی عێراق بكرێتە پشووی فەرمی.
سەرچاوەیەك لە ئەنجوومەنی وەزیرانی عێراق بە میدیاكانی راگەیاندووە "تا ئێستا حكوومەتی عێراق رێنمایی دەرنەكردووە و نیازیشی نییە سبەی سێشەممە لە سەرجەم پارێزگاكان بكرێتە پشووی گشتی بەهۆی بەڕێوەچوونی پڕۆسەی سەرژمێری گشتیی دانیشتووان".
راشیگەیاندوو "تەنیا رۆژانی چوارشەممە و پێنجشەممەی ئەم هەفتەیە پشووی فەرمی و گشتی دەبێت".
لە هەمانكاتدا نەشی شاردەوە كە پارێزگار و ئەنجوومەنی پارێزگاكان بۆیان هەیە پشوو رابگەیەنن بۆ كارئاسانی بژمێر و تیمەكانی پڕۆسەی سەرژمێری، بەڵام پشووی گشتی راناگەیەنرێت.
ئەمە لەكاتێكدایە كە تا ئێستا چەند پارێزگایەك پشووی سبەی سێشەممەیان بەهۆی بەڕێوەچوونی پڕۆسەی سەرژمێری گشتی دانیشتووان راگەیاندووە، لەوانە پارێزگای كەركووك و كەربەلا و میسان.
کۆمێنت (0)
تا ئێستا هیچ کۆمێنتێک نەکراوە.