سالم ئەلدۆساری خه‌ڵاتی باشترین یاریزانی خولی ڕه‌وشه‌نی سعوودی وه‌رده‌گرێت

سالم ئەلدۆساری کاپتنی یانەی ئەلهیلال خەڵاتێکی تایبەتی وەرگرت، ئەمەش وەک ڕێزلێنانێک بۆ ئەو ئاستە سەرسوڕهێنەرەی کە لەگەڵ ئەلزەعیم لە پێشبڕکێکانی وەرزی ڕابردوودا پێشکەشی کرد.

ئەلدۆساری یەکێک بوو لە گرنگترین ئەستێرەکانی ئەلهیلال کە سەرکردایەتی تیپەکەی کرد بۆ بەدەستهێنانی سێیەمی خولەکە و سوپەر و جامی شا، دوای ئاستێکی سەرنجڕاکێش، کە تێیدا بەشدارییەکی زۆری لە گۆڵکردندا کرد.

ئەکاونتی فەرمی ماڵپەڕی وێنەی ئەلدۆساری لە مەشقەکانی یانه‌ی ئەلهیلال بڵاوکردەوە، کە خەڵاتی باشترین یاریزانی لە دوایین خولی خولی ڕۆشن 2023-2024 وەرگرت.

ماڵپەڕەکە  بەشێک لەو ژمارە دیارانەی ئاشکرا کردووە کە ئەلدۆساری وەرزی ڕابردوو لە خولی ڕوشێن بەدەستی هێناون، کە تێیدا 14 گۆڵی تۆمارکردووە و 6 ئەسیستیشی کردووە، ئەمە جگە لەوەی 43 هەلی دروستکراو و 73 دریبڵی سەرکەوتوو.

لە ئێستادا سالم ئەلدۆساری لە قۆناغی چاکسازی چڕدایە بەمەبەستی گەڕانەوەی خێرا بۆ یارییەکان، دوای ئەو پێکانەی لە پاژنەی پێیدا تووشی بوو، لەکاتی بردنەوەکەیان بەرامبەر ئیتفاق بە ئەنجامی (3-1) لە قۆناغی دەیەمی خولی ره‌وشه‌ن.

ئاماده‌كردنی هه‌واڵ - كه‌مال یوسف