حكوومەتی هەرێمی كوردستان بەهۆی بەڕێوەچوونی پڕۆسەی سەرژمێری گشتی دانیشتووان، ماوەی 9 رۆژ پشووی بۆ خەڵكی ناوچەكانی ماددەی 140 راگەیاند.
بەگوێرەی نووسراوێكی سەرۆكایەتی دیوانی ئەنجوومەنی وەزیرانی هەرێمی كوردستان كە ئەمڕۆ پێنجشەممە ئومێد سەباح سەرۆكی دیوان واژۆی لەسەر كردووە، 9 رۆژ پشوو بۆ خەڵكی ناوچەكانی ماددەی 140 راگەیەنرا.
لە نووسراوەكەدا هاتوو "بە مەبەستی كارئاسانی بۆ ئەنجامدانی پڕۆسەی سەرژمێری:-
یەكەم: رۆژانی 15/11/2024 تاكو 23/11/2024 پشوو دەبێت بۆ فەرمانبەرانی راژەی شارستانی و كارمەندانی راژەی سەربازی و هێزەكانی ئاسایشی ناوخۆ و قوتابییان لە گشت قۆناغەكانی خوێندن لە قوتابخانە و زانكۆكان كە خەڵكی ناوچەكانی ماددەی 140ی دەستوورن.
دووەم: رێكخراوەكان و كۆمپانیاكان و دامەزراوەكانی كەرتی تایبەت كارئاسانی بكەن بۆ كارمەندەكانیان كە خەڵكی ناوچەكانی ماددەی 140ی دەستوورن بۆ ئامادەنەبوون لە هەمان ماوە تاكو بتوان بەشدابن لە پڕۆسەی سەرژمێری گشتی.
کۆمێنت (0)
تا ئێستا هیچ کۆمێنتێک نەکراوە.