بەرەبەیانی ئەمڕۆ هەینی چەكدارانی رێكخراوی تیرۆریستی داعش لە سنووری پارێزگای كەركووك هێرشیان كردۆتە سەر ئۆتۆمبێلێكی سوپای عێراق و بەهۆیەوە كوژراو و برینداری لێ كەوتۆتەوە.
میدیاكانی عێراق بڵاویان كردەوە: بەرەبەیانی ئەمڕۆ هەینی چەكدارانی داعش لە دەوروبەری شارۆچكەی دوبز لە باكوری رۆژئاوای پارێزگای كەركووك هێرشیان كردۆتە سەر ئۆتۆمبێلێكی سەربازی سوپای عێراق.
لە ئەنجامی هێرشەكەدا دوو ئەفسەری سوپای عێراق كوژراون و چەند سەربازێكی دیكەش بریندار بوون.
ئەفسەر و سەربازەكانی سوپای عێراق رووبەڕووی چەكدارەكانی داعش بوونەتەوە تا ئەو كاتەی هێزی پاڵپشتی سوپا گەیشتوونەتە شوێنی رووداوەكە.
دوای هێرشەكە، چەكدارەكانی داعش بۆی دەرچوون و ناوچەكەش لەلایەن سوپای عێراقەوە دەوردراوە، هەروەها تەرمی دوو ئەفسەرەكە و بریندارەكانیش گواستراونەتەوە.
کۆمێنت (0)
تا ئێستا هیچ کۆمێنتێک نەکراوە.