بوومەلەرزەیەک ژاپۆنی هەژاند

بوومەلەرزەیەک بە گوڕی 7،1 پلە بەپێوەری ڕێختەر باشووری ڕۆژئاوای ژاپۆنی هەژاند.

لە کەناراوەکانی ویلایەتی میازاکی باشووری ڕۆژئاوای ژاپۆن، بوومەلەرزەیەک بە گوڕی 7،1 پلە بە پێوەری ڕێختەر ڕوویدا.

ئاژانسی کەشناسی ژاپۆن (JMA) بڵاویکردەوە،  ئه‌مڕۆ پێنجشه‌ممه‌ 8ی8ی2024، بوومەلەرزەیەک بە گوڕی 7،1 پلە بەپێوەری ڕێختەر، کەناراوەکانی ویلایەتی میازاکی باشووری ڕۆژئاوای وڵاتی هەژاندووە.

لە ڕاگەیاندراوەکەدا ئاماژە بەوە کراوە کە بوومەلەرزەکە لە قووڵایی 30 کیلۆمەتر ڕوویداوە.

بەرپرسانی ژاپۆن هۆشداریاندا لە ڕوودانی تسۆنامی لە ویلایەتەکانی کۆچی و میازاکی.

هێشتا نازانرێت کە ئایا بوومەلەرزەکە زیانی گیانیی و ماڵی لێکەوتووەتەوە یان نا.