وێنەی ئەو شوێنە بڵاوكرایەوە كە بەرەبەیانی ئەمڕۆ چوارشەممە ئیسماعیل هەنییە سەرۆكی بزووتنەوەی حەماسی تێدا كرایە ئامانج لە تارانی پایتەختی ئێران.
میدیاكانی ئێران وێنەی شوێنەیان بڵاوكردەوە كە بەرەبەیانی ئەمڕۆ بە مووشەكێك ئیسماعیل هەنییەی لێ كرایە ئامانج و لەگەڵ پاسەوانێكی تایبەتی كوژران.
شوێنەكە دەكەوێتە تارانی پایتەختی ئێران و شوێنەكە تایبەتە بە مێوانداریكردنی سەركردە و مێوانانی باڵای حكوومەتی ئێران.
بەگوێرەی ئەو زانیارییانەی تا ئێستا بڵاوكراونەتەوە، هێرشەكە لە كاتژمێر 2ی بەرەبەیانی ئەمڕۆ چوارشەممە ئەنجامدراوە.
بزووتنەوەی حەماس و دەسەڵاتدارانی ئێران راستەوخۆ ئیسڕائیلیان بەئەنجامدانی هێرشەكەدا تۆمەتبار كرد، بەڵام ئیسڕائیل تا ئێستا بەفەرمی ئەنجامدانی هێرشەكەی نەگرتۆتە ئەستۆ.
کۆمێنت (0)
تا ئێستا هیچ کۆمێنتێک نەکراوە.