ئەمڕۆ پێنجشەممە لە شارۆچكەی سەیدسادق دەستبەسەر هەزاران سەتڵ ماست و شیر و پەنیری خراپبوودا گیرا كە خاوەنەكەی بەنیازبوو لە بازاڕدا ساغیان بكاتەوە.
تۆمەتبار و خاوەنی ماست و پەنیر و شیرەكان لەلایەن لیژنە هاوبەشەكانی قایمقامییەتی قەزای سەیدسادق و بە هاوكاری بنكەی پۆلیسی سەیدسادق دەستگیر كرا.
بەرهەمە ماوەبەسەرچوو و خراپبووەكان بریتی بوون لە زیاتر لە 3500 سەتـڵ ماست و 3 تۆن شیر و زیاتر لە 300 كیلۆگـرام پەنیر و بەرهـەمی شیرەمـەنی.
تۆمەتبارەكە سەرجەم ئەو بەرهەمانەی لەناو كارگەکەیدا لە گونـدی كانـی پانكە لە سەیدسادق ئامادە كردبوو بە مەبەستی فرۆشتن و ساغكردنەوەی لەناو بازاڕەكاندا.
پۆلیسی سلێمانی ئاماژەی بەوە دا كە ئێستا تۆمەتبارەكە بەناوی (هـ، س، ف لەدایكبووی 1989) بەبڕیاری دادوەر و بەپێی ماددەی 240 لە یاسای سزادانی عێراقی ڕاگیراوە.
کۆمێنت (0)
تا ئێستا هیچ کۆمێنتێک نەکراوە.