ڕۆبێرت هابێک، وەزیری ئابووری ئەڵمانیا ئه‌مڕۆ لە پەکین بە بەرپرسانی چینی ڕاگەیاند، ئەو باجانەی یەکێتی ئەوروپا پێشنیاری سەپاندنی دەکات به‌سه‌ر کاڵا چینییەکان، سزا نییە.
سەردانەکەی هابێک بۆ چین یەکەمین سەردانەکەی بەرپرسێکی باڵای ئەوروپییە لەو کاتەوەی کە بلۆکەکە پێشنیاری سەپاندنی باجی قورسی لەسەر هاوردەکردنی ئۆتۆمبێلی کارەبایی دروستکراوی چین کرد بۆ بەرەنگاربوونەوەی ئەوەی یەکێتی ئەوروپا بە پشتیوانییەکی زیادەڕۆیی دەزانێت.
چین پێشتر هۆشداریدا لەوەی پەرەسەندنی ناکۆکی لەگەڵ یەکێتی ئەوروپا لەسەر ئۆتۆمبێلی کارەبایی دەتوانێت ببێتە هۆی شەڕی بازرگانی. هابێک وتی: گرنگە لەوە تێبگەین کە ئەمانە پارەی سزادان نین.
وڵاتانی وەک ئەمریکا، بەرازیل و تورکیا ئەرکی سزاییان بەکارهێناوە، بەڵام یەکێتی ئەوروپا ئەو کارە ناکات. به‌ڵكو ئەوروپا کارەکان بە شێوەیەکی جیاواز ئەنجام دەدات. هابێک ئاماژه‌ی به‌وه‌ش كردووه کۆمیسیۆنی ئەوروپا لە ماوەی نۆ مانگدا بە وردی لێکۆڵینەوەی لەوە کردووە کە ئایا کۆمپانیا چینییەکان بە شێوەیەکی نادادپەروەرانە سوودیان لەو یارمەتییانە وەرگرتووە یان نا.
بڕیارە تا 4ی تەمموز باجەکانی یەکێتی ئەوروپا بە شێوەیەکی کاتی جێبەجێ بکرێن . پاشان باجەکە جێگیر دەکرێت کە بەزۆری بۆ ماوەی 5ساڵ دەخایەنێت.
کۆمێنت (0)
تا ئێستا هیچ کۆمێنتێک نەکراوە.