Erbil 15°C ھەینی 14 حوزەیران 22:54

دەست كرا بە لێكۆڵینەوە لە هۆكاری كەوتنەخوارەوەی هێلیكۆپتەرەكەی ئیبراهیم رەئیسی

کوردستان TV
100%

سەرۆك ئەركانی سوپای ئێران فەرمانی كرد دەست بە لێكۆڵینەوەكان بكرێت لە هۆكاری رووداوی كەوتنەخوارەوەی هێلیكۆپتەرەكەی ئیبراهیم رەئیسی سەرۆك كۆماری ئێران و یاوەرانی لە باكوری ئێران لە شەوی رابردوودا.

بەگوێرەی ئاژانسی (میهر)ی ئێرانی، لیوا محەمەد باقری سەرۆك ئەركانی سوپای ئێران لیژنەیەكی باڵای پێكهێناوە بۆ لێكۆڵینەوە لە رووداوی كەوتنەخوارەوەی فڕۆكەكەی سەرۆك كۆماری ئێران و لیژنەكەش گەیشتوونەتە شوێنی رووداوەكە و دەستیان بە لێكۆڵینەوەكان كردووە.

شاندە باڵاكە لە پسپۆڕێكی فڕۆكەوانی و چەند پسپۆڕێكی تری هونەری و سەربازی پێكهاتوون.

شاندەكە لێكۆڵینەوەكانی خۆی دەكات و دواتریش ئەنجامەكەی لە دەزگاكانی راگەیاندن بڵاو دەكرێتەوە.

سەرلەبەیانی ئەمڕۆ دووشەممە سەرۆكایەتی ئێران گیانلەدەستدانی ئیبراهیم رەئیسی سەرۆك كۆمار و ئەمیر عەبدوڵاهیان وەزیری دەرەوە و یاوەرانی راگەیاند بەهۆی رووداوی كەوتنەخوارەوەی هێلیكۆپتەرەكەیان لە سنووری پارێزگای ئازەربایجانی رۆژهەڵات.

رۆژهه‌ڵاتی ناوه‌راست ئێران

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.