میدیاكانی ئێران بڵاویان كردەوە كە دوای نیوەڕۆی ئەمڕۆ یەكشەممە بەرپرسێكی شاری شیراز لە باشووری ئێران لەلایەن چەكدارانەوە هاتە كوشتن.
ئاژانسی تەنسیم بڵاوی كردەوە: ئەندازیار رەزا مەسعوودی سەرۆكی شارەوانی پێنجی شاری شیراز لە هێرشێكدا هاتە كوشتن.
بڵاویشی كردەوە: سەرۆكی شارەوانییەكە پێش دەستپێكردنی كۆبوونەوەیەكی ئەنجوومەنی شاری شیراز لەلایەن چەكدارانەوە تەقی لێ كراوە و كوژراوە.
هەروەها بڵاوی كردەوە: چەند چەكدارێك چوونەتە نێو باڵەخانەی ئەنجوومەنی شاری شیراز و تەقەیان لە سەرۆكی شارەوانی پێنجی شارەكە كردووە.
ئاماژەی بەوەش دا كە هێزە ئەمنییەكان چوونەتە شوێنی رووداوەكە و باڵەخانەكەیان گەماڕۆداوە بۆ دەستگیركردنی هێرشكارەكان.
کۆمێنت (0)
تا ئێستا هیچ کۆمێنتێک نەکراوە.