شاندێكی حكومەتی هەرێمی كوردستان بە مەبەستی چارەسەركردنی كێشەی مووچە سەردانی بەغدا دەكات.
پەیامنێری كوردستان تیڤی لە بەغدا رایگەیاند، ئەم هەفتەیە شاندێكی حكومەتی هەرێمی كوردستان سەردانی بەغدا دەكاتەوە و ئامانجی دابینكردنی مووچەی فەرمانبەرانی هەرێمی كوردستانە و بۆ ئەم مەبەستەش لەگەڵ وەزیری دارایی عێراق و دادگای فیدراڵی کۆدەبێتەوە.
ئەمەش لە كاتێكدایە سەرۆكوەزیران مەسرور بارزانی بە بەردەوامی لەگەڵ حكومەتی فیدڕاڵی و سەرۆكوەزیرانی عێراق بۆ دابینكردنی مووچە و شایستە داراییەكانی كوردستان لەسەر هێڵە.
وەزارەتی دارایی هەرێمی کوردستان دوازدەی ئادار لە راگەیێندراوێکدا ئاشكرای كرد، بۆ مووچەی مانگی شوبات داوای 949 ملیار و 813 ملیۆن دیناریان لە بەغدا کردبوو، بەڵام وەزارەتی دارایی عێراق نزیكەی 560 ملیار دیناری ناردووە و بەمەش نزیكەی 390 ملیار دینار كورتهێنان هەیە.
کۆمێنت (0)
تا ئێستا هیچ کۆمێنتێک نەکراوە.