لیژنە هاوبەشەکان بڕی 806 کیلۆگرام گۆشتی لەناو برد کە لە بەڕادێکدا بەناوی رەنجەوە لە بازاڕی سەعید تەها کۆیی بەستبوی و خاوەنەکەی بە گۆشتی فرێش دەیفرۆشت بە خواردنگەو لەفە فرۆشەکان.
د. ژیار بەهادین- نوێنەری ڤێتێرنەری لە لیژنە هاوبەشەکانی قائیمقامیەتی سلێمانی رایگەیاند: سەرەڕای ئەوەی کە بەڕادەکە مۆڵەتی نەبووە، لەکاتی سەردانی لیژنەکانمان دەرکەوتووە کە بڕێکی زۆر گۆشتی وردکراوی تێدایەو بەستوویەتی و سەرچاوەکەی ئاشکرا نییە، بەڵام دەکرێت بە قیمەو بە گۆشتی فرێش دەفرۆشرێت بە خواردنگە و لەفە فرۆشەکان.
وتیشی: هەر گۆشتێک چووە حاڵەتی بەستنەوە ناکرێت بە فرێش بفرۆشرێت، هەربۆیە تەواوی گۆشتەکە بەهاوکاری ڤێتێرنەری سلێمانی لەناودەبرێت و رێکاری یاسایی لەگەڵ خاوەنەکەی دەگیرێتەبەر.
داوای لە هاوڵاتیانیش کرد بەهیچ جۆرێک قیمەی ئامادەکراو نەکڕن، پێویستە بە ئامادەبوونی خۆیان گۆشتەکە بکرێت بە قیمە.
کۆمێنت (0)
تا ئێستا هیچ کۆمێنتێک نەکراوە.