پێشبینی دەكرێت ئابووری جیهان لە ساڵی 2024دا گەشە بكات

سندوقی نێودەوڵەتیی نەختینە پێشبینییەكانی بۆ گەشەی ئابووری جیھان لە ساڵی 2024دا بە ڕێژەی 0.2 خاڵ بەرزكردەوە و لە 3،1 لەسەدا جێگیر دەبێت.
ئەوەش  لە كاتێكدایە، لە مانگی تشرینی یەكەمی ڕابردوودا پێشبینییەكانی سندوقی نێودەوڵەتیی نەختینە بۆ گەشەی ئابووری جیھان، بەڕێژەی 2،9 لەسەدابوو.
سندوقی نێودەوڵەتیی نەختینە ڕاپۆرتێكی بە ناوی "ئاسۆی ئابووری جیھان" بڵاوكردەوە و تیایدا ئاماژەی بەوەداوە كە پێشبینی دەكەن گەشەی ئابووری جیھان لە ساڵی 2024دا، بگاتە 3،1 لەسەدا و لە ساڵی 2025دا، بگاتە 3،2 لەسەدا.
ڕاشیگەیاندووە كە ھۆكاری زیادبوونی  گەشەكردنی ئابووری جیھان لەمساڵدا بۆ نەرمی زیاتر لەوەی چاوەڕوان دەكرا لە ئابوورییەكانی ئەمریكا و زۆرێك لە وڵاتانی وەك توركیا و بەرازیل، ھەروەھا پاڵپشتی دارایی لە چین دەگەڕێتەوە.
ھەروەھا باسی لەوەش كردووە كە پێشبینی دەكەن كە ھەڵئاوسان لە ساڵی 2024دا لە جیھان بەخێرایی دابەزینی تۆمار بكات و بگاتە بەڕێژەی 5،8 لەسەدا و لە ساڵی 2025یشدا، بگاتە 4،4 لەسەدا.