ڤیدیۆ.. ئەفسەرێكی سوپای عێراق ئەفسەرێكی دیكە بەر شەق دەدات

بەگوێرەی گرتە ڤیدیۆیەك كە لە تۆڕە كۆمەڵایەتییەكان بڵاوكراوەتەوەو دەستاو دەستی پێكراوە،تیایدا دەردەكەوێ كە ئەفسەرێكی سوپای عێراق  بە پلەی موقەدەم ئەفسەرێكی دیكە بە پلەی عەقید دەداتە بەرشەق .
لەوبارەیەوە وەزارەتی بەرگری عێراق ڕاگەیەندراوێكی سەبارەت بە ڤیدیۆكە بڵاوكردەوەو دەڵێت: وەزیری بەرگری عێراق رێنمایی داوە كە گرتە ڤیدیۆكە رابگیرێت و دەستەیەكی لێكۆڵینەوە پێكبهێنرێت بۆ ئەوەی ڕاستییەكان بزاندرێت ،سەبارەت بەو شتانەی كە بڵاویانكردووەتەوە و بەپێی یاسای سزای سەربازی لێپرسینەوەیان لەگەڵدا بكرێت.
لە ڕاگەیەندراوەكەی وەزارەتەكە ئاماژە بەوەشدراوە ،وەزارەتی بەرگری پشتڕاستی دەكاتەوە كە هەر ئەندامێك یان ئەفسەرێك هەر كارێك ئەنجام بدات كە زیان بە ناوبانگی وەزارەت و مێژووە دێرینەكەی بگەیەنێت،ئەوا سزا دەدرێت و كەسیش لە لێپرسینەوە بەخشراو نابێت .