ئه‌مشه‌و دووشه‌م به درۆنی بۆمبڕێژكراو هێرشكرایه سه‌ر بنكه‌ی سه‌ربازانی ئه‌مه‌ریكا له پارێزگه‌ی حه‌سه‌كه له باكوری رۆژهه‌ڵاتی سووریا.
به‌گوێره‌ی زانیارییه میدیاییه‌كان، هێرشه‌كه به درۆنی بۆمبڕێژكراو ئه‌نجامدراوه و تا ئێستاش هێزه‌كانی ئه‌مه‌ریكا زانیارییان له‌باره‌ی هێرشه‌كه و ئه‌گه‌ری بوونی زیانی گیانی بڵاو نه‌كردۆته‌وه.
ئه‌مه له كاتێكدایه كه ماوه‌یه‌كه به‌رده‌وام هێرشی درۆنی ده‌كرێته سه‌ر بنكه سه‌ربازییه‌كانی سوپای ئه‌مه‌ریكا و هێزه‌كانی هاوپه‌یمانان له باكور و باكوری رۆژهه‌ڵاتی سووریا، ئه‌و ناوچانه‌ش له سنووره‌كانی عێراقه‌وه نزیكن، هه‌ر بۆیه گرووپی مقاوه‌مه‌ی ئیسلامی و چه‌كداره نایاساییه‌كانی نزیك له ئێران به‌م هێرشانه تۆمه‌تبار ده‌كرێن.
کۆمێنت (0)
تا ئێستا هیچ کۆمێنتێک نەکراوە.