له‌ رۆژانی پشووی سه‌ری ساڵ ده‌وامی نه‌خۆشخانه‌كان چۆن ده‌بێت؟

وه‌زاره‌تی ته‌ندروستی حكوومه‌تی هه‌رێمی كوردستان شێوازی ده‌وامكردنی نه‌خۆشخانه‌ و داموده‌زگه‌‌ ته‌ندروستییه‌كانی له‌ رۆژانی پشووی سه‌ری ساڵ خسته‌ڕوو كه‌ به‌شێوه‌یه‌كی گشتی ده‌وامكردنیان به‌شێوه‌ی ئێشكگر ده‌بێت.

وه‌زاره‌تی ته‌ندروستی ڕایگه‌یاند: هاووڵاتییان و دامودەزگاکانی تەندروستییه‌كان ئاگادار دەکەینەوە کەوا ڕۆژانی پشووی فەرمی هەمان ڕۆژانی پشووی ڕاگەیاندراوە کە لەلایەن حکوومەتی هەرێمی کوردستان ڕاگەیاندراوە.

ڕاشیگه‌یاند: نەخۆشخانە و دامودەزگا تەندروستییەکان راسپێردراون کە دەوامی ئێشکگری ئه‌نجام بده‌ن بۆ کارئاسانی هاووڵاتییان و بەرژەوەندی گشتی بەپێ ی ئەم رینماییانەی خوارەوە:-

1-  فریاکەوتنەکان (24) کاتژمێر کراوە دەبن بەشێوەی ئێشکگری.

2-  دەوامی نەخۆشخانەکان بەشێوەی ئێشکگری دەبێت.

3-  نۆرینگە دەرەکییەکان کراوە دەبن لە ڕۆژانی پشوو.

4-  ڕاوێژکارییە (24) کاتژمێرییەکان کراوە دەبن بەپێی خشتەی دەوامکردنیان لەلایەن بەڕێوەبەرایەتییە گشتییەکان دیاری دەکرێت.

5-  سەنتەرەکانی شووشتنی گورچیلە بەردەوام دەبێت بەشێوەی ئێشکگری کە لەلایەن بەڕێوەبەرایەتییە گشتییەکان دیاری دەکرێت.

6-  تیمەکانی فریاگوزاری و هێلی (122) بەردەوام دەبن لە ئەرک و کارەکانیان بەشێوەی (24) کاتژمێری وە بەهۆی پزیشکی فریاکەوتن خشتەی دابینکردنی تیمەکانی دادەنرێت بۆ شوێنە گشتییەکانی پێویست و گەشتیارییەکان.

7-  لە کاتی پێویستدا کۆگاکانی دەرمان و پێداویستی پزیشکی و تاقیگەیی کراوە دەبن لە سەرجەم شار و شارۆچکەکان.

8-  تیمەکانی (پشکنینی ئاوی خواردنەوەی ماڵان و نەخۆشیە گوازرەوەکان و چاودێری تەندروستی) بەردەوام دەبن لە بەدواداچوونەکانیان.

9-  پێشکەشکردنی خزمەتگوزاری تەندروستی بۆ ئاوەرەکان لە کەمپەکان بەردەوم دەبێت.

10-  پابەندبوونی پزیشکانی پسپۆڕ و نیشتەجێی دێرین و خولاو و پەرستار و کارمەندانی تەندروستی بە دەوامی ئێشکگری لە ڕۆژانی پشوودا.

11-  هێلەکانی مۆبایلی بەڕێوەبەر و بەرپرس و وەرگری بەشەکان کراوە دەبن و وەڵامی پەیوەندییەکان دەدرێنەوە لە ڕۆژانی پشوو.

12-  لێژنەکانی بەدواداچوون لە سەرجەم بەرێوەبەرایەتییە گشتییەکان و نەخۆشخانەکان بەردەوام دەبن بۆ بەدواداچوونی دەوامی نەخۆشخانە و دەزگا تەندروستییەکان.

13-  بۆ هەرکارێکی پێویست و لەناکاو پێویستە هێلی گەرمی پەیوەندی هەبێت.

14-  هاتنەژوورەوەی ڕاگەیاندن تەنیا لە ڕێگه‌ی ڕاگەیاندنی بەڕێوەبەرایەتییەکان دەبێت.

15-  ئاماری ڕۆژانە دەبێت لە ماوەی (24) کاتژمێر لە ڕێگای پەیوەندی مۆبایلەوە لە (8) ی بەیانی تاکوو (8) بەیانی رۆژی دوایی رەوانە بکرێت بۆ بەڕێوەبەرایەتییە گشتییەکان.

16-  ڕۆژانە فۆرمی تایبەت بە ئامارەکان ڕەوانە بکرێت بۆ بەڕێوەبەرایەتییە گشتییەکان.

17-  ئامادەباشی بۆ ئەمبوڵانس و دابینکردنی گاز و بەنزین بکرێت.

18-  بەدواداچوونی بەردەوام بۆ پڕۆژەکانی خاوێنکردنەوە و دابینکردنی خۆراك بکرێت.

19-  سەنتەرەکانی پێدانی چارەسەری کیمیاوی بۆ نەخۆشانی شێرپەنجە پێویستە بە شێوەی ئێشکگری کراوە بێت.