ئاگاداری ئەو چوار هەڵەیە بە كە لە كاتی پێوانەكردنی ئاستی پەستانی خوێن ئەنجام دەدرێت

دكتۆر ئەلێكساندەر میاسنیكۆڤ ،پسپۆڕی ڕووسی ئاشكرای دەكات كە ئەم هەڵە باوانە بریتین لە 4 هەڵەی بنەڕەتی كە دەبێت لە كاتی پێوانەكردندا لەبەرچاو بگیرێن.
ئامێری پێوانی پەستانی خوێن لە زۆربەی ماڵەكانماندا باوە بەتایبەت لەو ماڵانەی كە بەساڵاچووان تێیدا دەژین. ئەم ئامێرانە چەندین جۆری هەیە، چ مۆدێرن و چ تەقلیدی. بەڵام ڕەنگە وردی پێوانەكردنی پەستانی خوێن كەمتر پەیوەندی بە جۆری ئامێرەكەوە هەبێت وەك لە شێوازی پێوانەكردنەكە.
ئەو پسپۆڕە ڕووسییە ئەو هەڵانەی ئاشكرا كرد كە ئەو كەسانەی پەستانی خوێنیان دەپێون .
بەپێی ئەوەی كە میدیاكانی ڕووسیا بڵاویان كردووەتەوە، ئەم هەڵە باوانە 4 هەڵەی بنەڕەتی لەخۆدەگرن كە دەبێت لە كاتی پێوانەكردندا لەبەرچاو بگیرێن:
1- ئەو پسپۆڕە ڕووسییە ئاماژە بەوە دەكات، پێش پێوانەكردنی ئاستی پەستانی خوێن، پێویستە بۆ ماوەی پێنج خولەك بە بێدەنگی دابنیشیت، لەو ماوەیەدا پێویستە بیر لە شتێكی باش و بەسوود بكەیتەوە.
2- قاوە و چا نەخواردنەوە
هەروەها دكتۆر میاسنیكۆڤ ،پێش پێوانەكردنی ئاستی پەستانی خوێن پێشنیاری خواردنەوەی چای سەوز و قاوە ناكات، چونكە كاریگەرییان لەسەر ئەنجامەكە هەیە.
3- گەدە و میزەڵدان
ئەو پسپۆڕە ڕووسییە ئامۆژگاری ئەوە دەكات كە پەستانی خوێن لەكاتی بەتاڵی میزڵدان و دوای ماوەیەك لە ژەمەكانی نان خواردن بپێورێت.
4- پێگەی گونجاو
دكتۆر میاسنیكۆڤ ئاماژە بە پێویستی پێوانەكردنی ئاستی پەستانی خوێن لە دۆخێكی گونجاودا دەكات، بۆ نموونە باشترە لەكاتێكدا بپێورێت كە كەسەكە بە هێمنی لەسەر كورسیەك دانیشتووە و پشتی بە پشتی پشتی بە كورسییەكە داداوەو قاچەكانی درێژكردۆتەوە. چونكە ئەگەر قاچەكان لێك بئاڵێنێ ، دەبێتە هۆی بەرزبوونەوەی پێوەرەكانی پەستانی خوێن .
هەروەها بە وتەی ناوبراو پێویستە پێیەكان لەسەر زەوی بن و ئەو قۆڵەی كە ئامێرەكە لەسەری دانراوە لەسەر مێزێك بێت كە هەمان بەرزی دڵ بێت.