لەگەڵ کرانەوەی بازاڕەکانی جیهان نرخی نەوت زیاتر لە دۆلارێک دابەزی، ئەمە لەکاتێکدایە کە هەوڵەکان بۆ ڕاگرتنی شەڕی نێوان ئیسرائیل و بزووتنەوەی حەماس بەردەوامن.
ئەمڕۆ دووشەممە 23ـی 10ـی 2023 نرخی نەوت دابەزینی بەخۆیەوە بینی، نرخی بەرمیلێک نەوتی خاوی برێنت زیاتر لە دۆلارێک دابەزی و گەیشتە 91 دۆلار و 14 سەنت، هەروەها نرخی نەوتی خاوی ڕۆژئاوای تەکساسی ئەمریکا زیاتر لە دۆلارێک دابەزی بە 87 دۆلار و 03 سەنت مامەڵەی پێوەکرا.
هەوڵە دیپلۆماسییەکان بۆ کۆنتڕۆڵکردنی ململانێی نێوان ئیسرائیل و بزووتنەوەی حەماسی فەلەستینی و ڕێگرتن لە تەشەنەسەندنی بە قەبارەیەکی فراوانتر لە ناوچە دەوڵەمەندە نەوتییەکان بەردەوامن، ئەمەش لەکاتێکدایە ترسی ئەوە هەیە شەڕی نێوان ئیسرائیل و حەماس گەشە بکات و ببێتە ڕووبەڕووبوونەوەیەکی فراوانتر لە ڕۆژهەڵاتی ناوەڕاست ڕوو بدات، کە گەورەترین ناوچەی دابینکردنی نەوتە لە جیهان.
کۆمێنت (0)
تا ئێستا هیچ کۆمێنتێک نەکراوە.