کۆشکی سپی ڕایگەیاند، دوای هێرشەکانی بزووتنەوەی حەماسی فەلەستینی سەرۆکی ئەمریکا بڕیاری داوە کە زیاتر پاڵپشتی ئیسرائیل بکات.
ئەمڕۆ یەکشەممە 08ـی 10ـی 2023 لە ڕاگەیەنراوێکدا کۆشکی سپی ئەمریکا ڕایگەیاند: جۆ بایدن سەرۆکی ئەمریکا فەرمانی دا پشتیوانی زیاتری ئیسرائیل بکات لەبەرامبەر هێرشە تیرۆریستییەکانی حەماس. کۆشکی سپی لەمبارەیەوە وردەکاریی زیاتری نەخستووەتەڕوو.
هەر ئەمڕۆ ئەنتۆنی بلینکن وەزیری درەوەی ئەمریکا جەختی لە هەڵوێستی ئەمریکا کردەوە و گوتی: ئەمریکا لەپاڵ ئیسرائیلدایە لە بەرگریکردن لەخۆی.
بەرەبەیانی دوێنێ شەممە، كەتیبەكانی عیزەددین قەسام باڵی سەربازیی حەماس لە كەرتی غەززە، دەستپێكردنی ئۆپەراسیۆنێكیان بەناوی "گەردەلوولی ئەقسا" دژی ئیسرائیل ڕاگەیاند و لەبەرامبەردا سوپای ئیسرائیل بە دەیان فڕۆكەی جەنگی هێرشێكی سەربازیی بۆ بەرپەرچدانەوەی ئەو مووشەكانە ڕاگەیاند كە لە كەرتی غەززەوە ئاراستەی دەكرێت، بەمەش سەدان کوژراو و بریندار لەهەردوولا کەوتنەوە.
کۆمێنت (0)
تا ئێستا هیچ کۆمێنتێک نەکراوە.