نرخی نەوتی خاو دابەزی 

نرخی بەرمیلێك نەوتی خاوی برێنت بە 89 دۆلارو 81 سەنت مامەڵەی پێوەدەكرێت.
ئەمڕۆ سێشەممە-3-10-2023  نرخی بەرمیلێك نەوتی خاوی برێنت ،لەبازاڕەكانی جیهاندا بە 89 دۆلارو 81 سەنت مامەڵەی پێوەدەكرێت.
هاوكات نرخی بەرمیلێك نەوتی خاوی تێكساس بە 88 دۆلار و 12 سەنت مامەڵەی پێوەدەكرێت.
لەكاتێكدا دوێنێ دووشەممە-2-10-2023  لەكاتی بەیانییەكەی نرخی بەرمیلێك نەوتی خاوی برێنت لەبازاڕەكانی جیهاندا گەیشتە 90 دۆلارو 71 سەنت .
دابەزینی نرخی نەوتی خاو لەكاتێكدایە كە دوێنێ ئاڵپئارسڵان بایراكتار، وەزیری وزە و سەرچاوە سروشتییەكانی توركیا ڕایگەیاند: لە ئەمڕۆوە هێڵی بۆری نەوتی عێراق - توركیا بۆ گواستنەوەی نەوت ئامادەیە و لەم هەفتەیەشدا دەست بە كارەكانی دەكاتەوە.
لە ڕێكەوتی 25ـی 03ـی 2023 هەناردەكردنی نەوتی هەرێمی كوردستان لەڕێگەی بەندەری جیهانەوە ڕاگیرا، ئەمەش لەدوای بڕیارەكەی دادگەی پاریس بۆ یەكلاكردنەوەی دۆسیەی هەناردەكردنی نەوتی هەرێمی كوردستان لەنێوان عێراق و توركیا هات.