ئەمریكا پشتیوانی لە دەستپێكردنەوەی هەناردەی نەوتی هەرێمی كوردستان دەكات

سەرۆكوەزیرانی عێراق  و وەزیری دەرەوەی ئەمریكا لە نیویۆرك كۆبوونەوە. 
لە چوارچێوەی 78هەمین كۆڕی گشتیی ڕێكخراوی نەتەوەیكگرتوەكاندا، ئانتۆنی بلینكەن، وەزیری دەرەوەی ئەمریكا لە دیداری لەگەڵ محەمەدشیاع سوودانی، سەرۆك وەزیرانی عێراق ،پشتیوانی ئەمریكای بۆ دەستپێكردنەوەی هەناردەی نەوتی هەرێمی كوردستان لە ڕێگای توركیاوە دووپات كردۆتەوە.
لەدیدارەكەدا وەزیری دەرەوەی ئەمریكا داوای لە حكومەتی عێراقی كردووە لە هاوئاهەنگی لەگەڵ هەرێمی كوردستان بۆ بەرەوپێشبردنی  سەقامگیری و ئاسایشی هەرێمی كوردستان بەردەوام بێت.
هەرەەها سەرۆكوەزیرانی عێراق لەگەڵ برایان نیڵسن، یاریدەدەری وەزیری گەنجینەی ئەمریكا چاویان بە یەك كەوت و لە دیدارەكەدا باسیان لە بەهێزكردن و چاكسازییەكانی سیستمی دارایی عێراق كردووە.