Erbil 15°C شەممە 24 شوبات 00:31

مه‌كته‌بی سیاسی پارتی پرسه‌نامه‌یه‌ك بۆ كۆچی دوایی مه‌تران ڕه‌بان ئه‌لقه‌س بڵاو ده‌كاته‌وه‌

کوردستان TV
100%

مه‌كته‌بی سیاسی پارتی دیموكراتی كوردستان ئه‌مڕۆ سێشه‌م پرسه‌نامه‌یه‌ك بۆ كۆچی دوایی مه‌تران ڕه‌بان ئه‌لقه‌س بڵاو كرده‌وه‌ و ڕایگه‌یاند كه‌ ناوبراو کەسایەتییەکی ناسراو و دڵسۆز بوو و هه‌روه‌ها ڕۆڵی بەرچاوی لە بڵاوکردنەوەی گیانی تەبایی و برایەتی و لێبووردەیی لە کوردستاندا ھەبوو.

ئه‌مه‌ی خواره‌وه‌ ده‌قی پرسه‌نامه‌كه‌ی مه‌كته‌بی سیاسی پارتی دیموكراتی كوردستانه‌:-

 بەڕێز خانەوادەی خوالێخۆشبوو (مەتران رەبان ئەلقەس)

 بەداخ و پەژارەیەکی زۆرەوە ھەواڵی کۆچی دوایی کەسایەتی دیار و ناسراوی ئایینی کلدانی کوردستان و مەترانی کەنیسەی (کلدان)مان بیست.

 بەو کۆستە خەمناکەوە پرسە و سەرەخۆشی خۆمان ئاراستەی ئێوەی بەڕێز و کەسوکار و خوشک و برایانی کریستیان دەکەین، خۆمان بە ھاوبەشی خەمتان دەزانین.

خوالێخۆشبوو (مەتران رەبان ئەلقەس) کەسایەتییەکی ناسراو و دڵسۆز بوو، ھەروەھا ڕۆڵی بەرچاوی ھەبوو لە بڵاوکردنەوەی گیانی تەبایی و برایەتی و لێبووردەیی لە نێوان ئایین و ئایینزاکانی کوردستاندا، ئومێدەوارین دڵنەوایی و ھاوخەمیی دۆست و ئازیزانی ببێتە مایەی سەبووری و ئارامگرتنتان و لە خەم و خەفەتتان کەم بکاتەوە.

جارێکی دیکە پرسە و سەرەخۆشی خۆمان دووبارە دەکەینەوە، داواکارین لە خوای گەورە خوالێخۆشبوو بە بەھەشتی بەرین شاد بکات و ئێوەی ھێژاش لە خەم و خەفەت و کۆستی دیکە بەدوور بن.

مەکتەبی سیاسیی پارتی دیموکراتی کوردستان

2023.8.29

هه‌واڵ و چالاكییه‌كانی پ.د.ك

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.