نرخی دۆلار لەهەولێر و بەغدا بەرزبوونەوەیەكی دیكەی تۆماركرد 

ئەمڕۆ شەممە، نرخی دۆلار بەرامبەر دیناری عێراقی لە بازاڕەكانی بەغدا و لە هەولێری پایتەختی هەرێمی كوردستان بەرزبوونەوەی بەخۆیەوە بینی.
سەرلەبەیانی ئەمڕۆ لەهەردوو بۆرسەی ناوەندیی كیفا و حورییە لە بەغدا نرخی 100 دۆلاری ئەمریكی بە 153 هەزار و 800 دیناری عێراقی مامەڵەی پێوەكرا، لە كاتێكدا سەرلەبەیانی رۆژی پێنجشەممەی ڕابردوو نرخی فرۆشتنی 100 دۆلار بە 153 هەزار و 200 دیناری عێراقی بوو .
سەبارەت بە نرخی دۆلار لە نووسینگەكانی ئاڵوگۆڕی دراو لە بازاڕە ناوخۆییەكانی بەغدا، بەرزبوونەوەیان بەخۆوە بینی، بەو پێیەی نرخی فرۆشتنی 100 دۆلار گەیشتە 155 هەزار دینار، لەكاتێكدا نرخی كڕین بۆ هەر 100 دۆلارێك گەیشتە 153 هەزار دینار.
سەبارەت بە هەولێری پایتەختی هەرێمی كوردستانیش، لە هەندێك لە نووسینگەكانی ئاڵوگۆڕی دراو نرخی فرۆشتنی 100دۆلار گەیشتووەتە 154 هەزار و 700 دینار، نرخی كڕینیش 154 هەزار دینارە.