كارتی ئەلیكترۆنیی بەشەخۆراك دەدرێتە هاووڵاتیان

ئەمڕۆ پێنجشەممە 17-8-2023 ، وەزارەتی بازرگانی حكومەتی عێراق ،دەستپێكردنی دابەشكردنی كارتی ئەلیكترۆنیی بەشەخۆراكی بەسەر هاووڵاتیانی دیوی ڕەسافەی بەغدای پایتەخت ڕاگەیاند.
ئیبتیهال هاشم سابت، بەڕێوەبەری گشتیی بەشی پلاندانان و بەدواداچوون لە وەزارەتی بازرگانی ڕایگەیاند: لقەكانی بەشەخۆراك لە پارێزگای بەغدا، لەدیوی ڕەسافە دەستیان بە دابەشكردنی كارتی ئەلیكترۆنیی بەشەخۆراك بۆ بریكارەكانی خۆراك بە مەبەستی گەیاندنیان بە هاووڵاتیان كردووە.
سابیت داواشی لە سەرجەم هاووڵاتیان كرد، لەكاتی نوێكردنەوەی داتاكانیان لەو شوێنانەی كە دواتر دیاریدەكرێن، بەڵگەنامە ئەسڵییەكانیان لەگەڵ خۆیان بهێنن.