كۆمپانیای DNOـی نەرویجی: بەرهەمهێنانی نەوت لە كێڵگەی تاوكێ دەستی پێكردووەتەوە

كۆمپانیای DNOـی نەرویجی رایگەیاند كە دەستیان بە بەرھەمھێنانی نەوت لە كێڵگەی نەوتی تاوكێ لە هەرێمی كوردستان دەست پێكردووەتەوە.
بەپێی راگەیاندراوێكی كۆمپانیای DNO، دوای چوار مانگ لە وەستانی بەرهەمهێنان، ئەم مانگە بەشێوەیەكی سنووردار دەستیان بە بەرهەمهێنانی نەوت لە كێڵگەی تاوكێ سنووری پارێزگای دهۆك كردووەتەوە و جەخت لەوە كراوەتەوە بڕی بەرهەمهاتووی نەوت بۆ پڕكردنەوەی پێداویستی ناوخۆ بەكاردەھێندرێت و بە نرخێكی كەمتر بەراورد بە ڕابردوو لە بازاڕەكانی ناوخۆ مامەڵەی پێوە دەكرێت.
كۆمپانیاكە ئاشكرایشی كردووە كە سەرەڕای ئەوەی ئێستا لە كێڵگەی تاوكێ نەوت بەرھەمدەھێنن، بەڵام ھێشتا لە كێڵگەی پێشخابوور دەستیان بە بەرھەمھێنانی نەوت نەكردووەتەوە.
ئەوەشخراوەتەڕوو كە ئێستا لە كێڵگەی تاوكێ، رۆژانە نزیكەی 40 ھەزار بەرمیل نەوت بەرھەم دەهێنن .
كۆمپانیای DNO كۆمپانیایەكی نەرویجییە و دوای چوار مانگ لە ڕاگرتنی كارەكانی، بەرھەمھێنانی نەوتی لە كێڵگەی تاوكێ دەستپێكردەوە و، ئێستاش رۆژانە 40 ھەزار بەرمیل نەوت بەرھەمدەھێنێت.