ڤیدیۆ ... ریاڵ مه‌درید سه‌ركه‌وتنی به‌سه‌ر ئه‌ی سی میلان تۆماركرد

له‌ یارییه‌كی دۆستانه‌دا ریاڵ مه‌درید سه‌ركه‌وتنی به‌سه‌ر ئه‌ی سی میلانی ئیتاڵی تۆماركرد.
به‌ره‌به‌یانی ئه‌مڕۆ دووشه‌م24ى7ى2023، له‌ یارییه‌كی دۆستانه‌دا له‌ ئه‌مریكا هه‌ردوو یانه‌ی ریاڵ مه‌درید و ئه‌ی سی میلان رووبه‌رووی یه‌كتربوونه‌وه‌. 
ریاڵ مه‌درید یارییه‌ دۆستانه‌كه‌ی له‌به‌رژه‌وه‌ندی خۆی به‌ كۆتا هێنا به‌ئه‌نجامی 3 گۆل به‌رامبه‌ر به‌ 2 گۆل بۆ ئه‌ی سی میلان. 
 له‌ تایمی یه‌كه‌می یارییه‌كه‌دا له‌ خوله‌كه‌كانی 25 و 42دا ئه‌ی سی میلان دوو گۆلی له‌ رێگای هه‌ردوو یاریزان  فیکاۆ تۆمۆرى و لوکا ڕۆمیرۆوە تۆمار کرد.
گۆله‌كانی ریاڵ مه‌دریدیش له‌ خوله‌كه‌كانی 57،59،84، له‌لایه‌ن هه‌ریه‌ك له‌یاریزانان ڤاڵیڤێردی 2 گۆل و ڤینیسیۆسەوە تۆمار کران.