Erbil 15°C پێنجشەممە 28 ئازار 13:47

بەبەشداری 214 كۆمپانیا 13هەمین پێشانگای بیناسازی و ئاوەدانكردنەوە لە هەولێر دەكرێتەوە

کوردستان TV
100%

بڕیارە لە رۆژانی 23-26ی ئایار، لە ژێر چاودێری مەسرور بارزانی، سەرۆكی حكوومەتی هەرێمی كوردستان، سێزدەهەمین پێشانگای بیناسازی و ئاوەدانكردنەوە و ژێرخان و ئامێر و كەرەستەی بیناسازیی لە هەولێر بكرێتەوە. 
لە پێشانگاكەدا 214 كۆمپانیا لە 15 وڵاتی جیاواز و زیاتر لە 400 بڕاندی جیهانی بەشداری دەكەن.
ئەم پێشانگایە جیاوازە لە پێشانگاكانی دیكە و سەردانكردن سنووردارە و تەنیا بازرگانان دەتوانن سەردانی پێشانگاكە بكەن و لە نزیكەوە بازرگاكانی دیكە ببینن.
لەوباریەوە حەسەن سامی، بەڕێوەبەری كارگێڕی سەنتەری پێشانگاكانی هەولێر، لە كۆنگرەیەكی رۆژنامەوانییدا گوتی: پێشانگاكە ماوەی چوار رۆژ دەخایەنێت و تیاییدا زیاتر لە 400 بڕاندی جیهانی بەشدارن و تیاییدا بازرگانان دەتوانن لەو ماوەیەدا ئاڵوگۆڕە بازرگانییەكانییان ئەنجام بدەن.
گوتیشی: ئەم پێشانگایە سنووردارە و تەنیا بازرگانان دەتوانن سەردانی بكەن، رێككارەكانیش ئەوەیە كە پێشتر بازرگانان خۆیان تۆمار دەكەن، واتا سەردانیكردن بۆ هەموو كەس رێگاپێدراو نییە.
لەبارەی ژمارەی كۆمپانیا بەشداربووەكانیش، حەسەن سامی گوتی: لە پێشانگاكەدا 214 كۆمپانیا لە 15 وڵاتی جیاوازەوە بەشدارن، لەسەدا 80ی كۆمپانیاكان بیانین و لەسەدا 20ی ناوەخۆیین، پێشبینی دەكرێت ژمارەیەكی زۆر ئاڵوگۆڕی بازرگانی لەمیانی پێشانگاكەدا هەبێت.
 

کوردستان ئابووری

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.