بزانە چەند هاووڵاتیی عێراقی لە بوومەلەرزەکەی تورکیا گیانیان لەدەست داوە

لە ئەنجامی ئەو بوومەلەرزەی بەرەبەیانی ڕۆژی دووشەممەی ڕابردوو 7 هاووڵاتیی عێراقی گیانیان لەدەست داوە و ژمارەیەکی دیکەش بێسەروشوێنن.

خەلیل ئیبراهیم كاربەڕێكەری كونسوڵگەری عێراق لە ئەنقەرە ئەمڕۆ شەممە 11ـی 02ـی 2023 ڕایگەیاند: 7 هاووڵاتیی عێراقی لە ئەنجامی بوومەلەرزە وێرانكەرەكەی ڕۆژی دووشەممەی ڕابردوو لە توركیای دا، گیانیان لەدەست داوە.

ڕاشیگەیاند: تاوەکوو ئێستا هەشت هاووڵاتیی دیکەی عێراق بێسەروشوێنن و چارەنووسیان نادیارە.

بەرەبەیانی ڕۆژی دووشەممە 06ـی 02ـی 2023 بوومەلەرزەیەک لە تورکیا و سووریا بە گوڕی 7.8 پلەی ڕێختەر ڕووی دا و  لە چەندان وڵاتی دیکە بە هەرێمی کوردستانیشەوە هەستی پێکرا، ئەمەش زیانێکی گیانی زۆری بەدوای خۆیدا هێنا.