لە ئاکامی رووداوێکی هاتوچۆدا كە لە پارێزگای عەنتاب باشووری خۆرهه‌ڵاتی توركیا، 15 كەس گیانیان لەدەستدا و 22ی دیکەش برینداربوون.
بەپێی ئەو زانیارییانەی دەستکەوتوون، پاسێکی نەفەرهەڵگر خۆی کێشاوە بە ئۆتۆمبێلی تیمی ئاژانسی هەواڵی ئیخلاس (İHA) و ئەو تیمەی لە هەوڵی رزگارکردنی سەرنشینانی ئەو ئۆتۆمبێلەدابوون کە لە رێگای سەرەکی تارسوس- ئادانا تووشی رووداو هاتبوو.
ژمارەیەکی زۆر لە پۆلیس و کارمەندانی تەندروستی رەوانەی شوێنی رووداوەکە کران.
بەپێی زانیارییە سەرەتاییەکان، لە رووداوەکەدا، 15 کەس گیانیان لەدەستداوە کە سێیان کارمەندانی فریاکەوتن، دوویان کارمەندی تەندروستی و دوو کەسیان رۆژنامەنووس بوون و 22 كەسیش برینداربوون.
- پارێزگاری عەنتاب گەیشتە شوێنی رووداوەکە
پارێزگاری عەنتاب، داود گول لە لێدوانێکیدا بۆ رۆژنامەنووسان رایگەیاند، نزیکەی کاتژمێر 10:45ي بەیانی ئەمڕۆ شەممە پاسێکی نەفەرهەڵگر خۆی کێشاوە بە ئۆتۆمبێلی تیمی ئاژانسی هەواڵی ئیخلاس (İHA) و ئەو تیمەی لە هەوڵی رزگارکردنی سەرنشینانی ئەو ئۆتۆمبێلەدابوون کە لەسەر رێگاکەدا تووشی رووداو هاتبوو.
داود گول گوتیشی: لە رووداوەکەدا، 15 کەس گیانیان لەدەستداوە کە سێیان کارمەندانی فریاکەوتن، دوویان کارمەندی تەندروستی و دوو کەسیان رۆژنامەنووس بوون. بریندارەكان گواستراونەتەوە بۆ نەخۆشخانە. نزای لێخۆشبوون بۆ ئەو هاووڵاتییانەمان دەکەین کە لە رووداوەکەدا گیانیان لەدەستداوە و هیوای زوو چاکبوونەوەش بۆ بریندارەکان دەخوازین.
بەهۆی رووداوەکەوە بەشێکی رێگاکە بەڕووی هاتوچۆدا داخرا.
کۆمێنت (0)
تا ئێستا هیچ کۆمێنتێک نەکراوە.