Erbil 39°C ھەینی 12 ئاب 11:57

فرانسیسكۆ سێروندۆلۆی ئه‌رژه‌نتینی گه‌یشته‌ قۆناغی پێش كۆتایی پاڵه‌وانێتی نێوده‌وڵه‌تی هامبۆرگ

کوردستان TV
100%


له‌ قۆناغی چاره‌گی كۆتایی پاڵه‌وانێتی نێوده‌وڵه‌تی هامبۆرگی ئه‌ڵمانی له‌ یاری تێنسی سه‌رزه‌وی له‌ ئاستی پیاوان، فرانسیسكۆ سێروندۆلۆی ئه‌رژه‌نتینی و پۆلێنكراوی سییه‌می ڕیزبه‌ندی تێنسزانانی جیهان به‌ دوو كۆمه‌ڵه‌ به‌رامبه‌ر به‌ كۆمه‌ڵه‌یه‌ك له‌ ئه‌سڵان كاراتسێڤی ڕوسی و پۆلێنكراوی سیی و حه‌وته‌می ڕیزبه‌ندی جیهانی برده‌وه‌و گه‌یشته‌ قۆناغی پێش كۆتایی.
 ئه‌نجامی كۆمه‌ڵه‌كانی یاریه‌كه‌ شه‌ش سێ، چوار شه‌ش، حه‌وت شه‌ش بوو، له‌ قۆناغی پێش كۆتاییدا، سێروندۆلۆ ڕووبه‌ڕووی لۆرێنزۆ موسێتی ئیتاڵی و پۆلێنكراوی شه‌ستودووه‌می ڕیزبه‌ندی جیهان ده‌بێته‌وه‌ كه‌ ئه‌ویش له‌ قۆناغی چاره‌گی كۆتاییدا، به‌ دوو كۆمه‌ڵه‌ی بێ وه‌ڵام سه‌ركه‌وتنی له‌به‌رامبه‌ر ئه‌لێخاندرۆ داڤیدۆڤیچی ئیسپانی و پۆلێنكراوی سیی و پێنجه‌می ڕیزبه‌ندی جیهان تۆماركردو خۆی گه‌یانده‌ قۆناغی پێش كۆتایی، ئه‌نجامی كۆمه‌ڵه‌كان شه‌ش چوار، شه‌ش سێ بوو.
 ئه‌م یاریه‌ دووه‌م ڕووبه‌ڕوو بوونه‌وه‌ی نێوان موسێتی و داڤیدۆڤیچ بوو كه‌ یاریزانه‌ ئیتاڵیه‌كه‌ له‌ هه‌ردوو یاری سه‌ركه‌وتنی به‌ده‌ستهێناوه‌.
 
 

وه‌رزش تێنس

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.