له میانی یاریه‌كانی قۆناغی دووه‌می پاڵه‌وانێتی نێوده‌وڵه‌تی باشتادی سوید له یاری تێنسی سه‌رزه‌وی له ئاستی پیاوان، تێنسزانی ئیسپانی ئه‌لبرت رامۆس ڤینۆلاس رووبه‌رووی بابلۆ كارینۆ بوستای هاونیشتیمانیه‌كه‌ی بووه‌وه، له‌ئه‌نجامدا بابلۆ كارینۆ بوستا به دوو كۆمه‌له به‌رامبه‌ر به كۆمه‌ڵه‌یه‌ك سه‌ركه‌وتنی به‌ده‌ستهێناو گه‌یشته قۆناغی چاره‌گی كۆتایی.
ئه‌نجامی كۆمه‌ڵه‌كان چوار شه‌ش، حه‌وت شه‌ش، حه‌وت پێنج بوو، له یاریه‌كی دیكه‌ی هه‌مان پاڵه‌وانێتی و هه‌ر له قۆناغی دووه‌مدا، كاسپێر رودی نه‌رویژی و فرانسیكسۆ سێروندۆلۆی ئه‌رژه‌نتینی به‌یه‌ك گه‌یشتن.
ئه‌م یاریه به ئه‌نجانی دوو كۆمه‌له به‌رامبه‌ر به كۆمه‌ڵه‌یه‌ك به سوودی تێنسزانه ئه‌رژه‌نتینیه‌كه ته‌واو بوو، ئه‌نجامی كۆمه‌ڵه‌كان چوار شه‌ش، شه‌ش سێ، حه‌وت پێنج بوو، به‌م بردنه‌وه‌ش سێروندۆلۆ شان به شانی بابلۆ كارینۆ بوستا خۆی گه‌یانده قۆناغی هه‌شتی پاڵه‌وانێتیه‌كه.
هەر لە ڕكابەریەكانی قۆناغی دووەمی پاڵەوانێتی نێودەوڵەتی باشتادی سوید لە یاری تێنسی سەرزەوی لە ئاستی پیاوان، دیێگۆ شوارتزمانی ئەرژەنتینی و پۆلێنكراوی چواردەمی ڕیزبەندی تێنسزانانی جیهان بە دوو كۆمەڵەی بێ بەرامبەر لە ئیلیاس یامێری سویدی و پۆلێنكراوی سەدوسیی و چوارەمی ڕیزبەندی جیهانی بردەوەو گەیشتە قۆناغی چارەگی كۆتایی.
ئەنجامی كۆمەڵەكانی یاریەكە حەوت پێنج، شەش سێ بوو، لە قۆناغی داهاتوودا، شوارتزمان ڕووبەڕووی پابلۆ كارێنۆ بوستای ئیسپانی دەبێتەوە، لە یاریەكی دیكەی قۆناغی دووەمی هەمان پاڵەوانێتی، ئەسڵان كاراتسێڤی ڕووسی و پۆلێنكراوی چلەمینی ڕیزبەندی جیهان بە دوو كۆمەڵەی بێ وەڵام سەركەوتنی لەبەرامبەر هوگۆ گاستۆنی فەڕەنسی و پۆلێنكراوی پەنجاوهەشتەمی ڕیزبەندی جیهان تۆماركردو خۆی گەیاندە قۆناغی هەشت.
ئەنجامی كۆمەڵەكانی ئەم یاریەش شەش دوو، شەش چوار بوو، لە قۆناغی چارەگی كۆتاییدا، كاراتسێڤ یاری لەگەڵ فرانسیسكۆ سێروندۆلۆی ئەرژەنتینی دەكات .
کۆمێنت (0)
تا ئێستا هیچ کۆمێنتێک نەکراوە.