به‌رپرسێكی باڵای ڕێكخراوی ته‌ندروستی جیهانی (WHO) كاره‌كانی حكوومه‌تی هه‌رێم و وه‌زاره‌تی ته‌ندروستی بۆ ڕووبه‌ڕووبوونه‌وه‌ی نه‌خۆشی و په‌تاكان به مه‌زن و نایاب ناوبرد.
ئه‌مڕۆ هه‌ینی د. سامان به‌رزنجی وه‌زیری ته‌ندروستی هه‌رێمی كوردستان پێشوازی له د. ئه‌حمه‌د زوه‌یتن به‌رپرسی ڕێكخراوی ته‌ندروستی جیهانی له عێراق و تیمێكی یاوه‌رییان كرد.
د. ئه‌حمه‌د زوه‌یتن ده‌ستخۆشی و سوپاسی حكوومه‌تی هه‌رێمی كوردستان و وه‌زاره‌تی ته‌ندروستی كرد بۆ ئه‌نجامدانی ئه‌و ڕێكارانه‌ی بۆ ڕووبه‌ڕووبوونه‌وه‌ی نه‌خۆشی و په‌تاكان له ماوه‌ی ڕابردوودا ئه‌نجامی داون.
به‌رپرسی ڕێكخراوی ته‌ندروستی جیهانی له عێراق هه‌روه‌ها ڕێكاره‌كانی ڕووبه‌ڕووبوونه‌وه‌ی نه‌خۆشییه‌كانی سكچوونی توند و كۆلێرا و په‌تای خوێنبه‌ربوون و ڤایرۆسی كۆڕۆنای له‌لایه‌ن هه‌رێمی كوردستانه‌وه به مه‌زن و نایابا هه‌ڵسه‌نگاند.
کۆمێنت (0)
تا ئێستا هیچ کۆمێنتێک نەکراوە.