وه‌زاره‌تی ته‌ندروستی عێراق ئه‌مڕۆ یه‌كشه‌م چه‌ندان حاڵه‌تی نوێی تووشبوونی په‌تای كۆلێرای ڕاگه‌یاند كه له‌نێویاندا 18 له تووشبووه‌كان له پارێزگای كه‌ركووكن.
وه‌زاره‌ته‌كه له به‌یاننامه‌یه‌كدا ڕایگه‌یاند: ئه‌مڕۆ یه‌كشه‌م 28 حاڵه‌تی نوێی په‌تای كۆلێرایان تۆمار كردووه و به‌مه‌ش كۆی گشتی تووشبووانی په‌تاكه له عێراق بۆ 47 كه‌س به‌رزبوونه‌وه.
ڕاشیگه‌یاند: تووشبووه نوێیه‌كانی ئه‌مڕۆ یه‌كشه‌م به‌مشێوه‌یه دابه‌شبوون: كه‌ركووك 18 تووشبوو، به‌غدا – ڕه‌سافه 5 تووشبوو، دیاله 2 تووشبوو، زیقاڕ 2 تووشبوو، بابل 1 تووشبوو.
وه‌زاره‌تی ته‌ندروستی عێراق جه‌ختیشی كرده‌وه كه ئاماده‌كاری ته‌واویان كردوو و ده‌توانن ڕووبه‌ڕووی هه‌ر حاڵه‌تێكی له‌ناكاو ببنه‌وه.
کۆمێنت (0)
تا ئێستا هیچ کۆمێنتێک نەکراوە.