یەكێتیی ئەورووپا گورزی قورس لە بەرژەوەندییەكانی رووسیا دەدات

ئۆرسولا ڤۆن دێر لاین، سەرۆكی كۆمیسیۆنی یەكێتیی ئەورووپا لەگەڵ نوێنەری باڵای یەكێتیی ئەورووپا لە سیاسەتی دەرەكی و كاروباری ئاسایش، جۆزێپ بۆڕێڵ دوای دەستوەردانی سەربازی رووسیا لە ئۆكراینا، كۆنگرەیەكی رۆژنامەوانیی هاوبەشیان ئەنجام دا.
ڤۆن دێر لاین بە تیشك خستنە سەر ئەوەی كە، لەو كاتە سەخت و تاریكەدا یەكێتیی ئەورووپا لەگەڵ ئۆكراینا و گەلی ئۆكراینادایە، گوتی: "رووسیا تەنها ناوچەی دۆنباس-ی ئۆكراینا نا، بەڵكو سەقامگریی ئاسایشی ئەورووپا و سیستەمی نێودەوڵەتیشی بەئامانج گرتووە.
سەرۆكی كۆمیسیۆنی یەكێتیی ئەورووپا بە تیشك خستنە سەر ئەوەی كە پاكجێك بۆ سزادانی توند و قورس بۆ سەر رووسیا بە هۆی ئەم كارانەیەوە پێشكەیشی لووتكەی سەركردەكانی یەكێتییەكە دەكەن بۆ ئەوەی رەزامەندی لەسەر بدرێت كە بڕیارە ئێوارەی ئەمڕۆ لووتكەكە ئەنجام بدرێت، لەبارەی سزاكانەوە گوتی: "لە رێی ئەم پاكێجەوە سێكتەرە ستراتیژییەكانی ئابووری رووسیا و رێگاگرتن لە گەیشتنە بازاڕی تەكنەلۆژیای گرنگ بە ئامانج دەگرین. بنەما و توانای گەشەسەندنی ئابووری رووسیا لاواز دەكەین. وەك بەشێك لەمەیش سەروەت و سامانی رووسیا لە یەكێتیی ئەورووپا بلۆك دەكەین و رێگا دەگرین لە گەیشتنی بانكەكانی رووسیا بە بازاڕی دارایی. هاوشێوەی پاكێجی یەكەم لەگەڵ هاوبەش و هاوپەیمانەكانماندا هەماهەنگین. ئەم پاكێجانە بە جۆرێك ئامادەكراون كە گورزی قورس لە بەرژەوەندییەكانی كرێملین و پارە تەرخانكەران بۆ جەنگ بدەن".
ناوبراو گوتیشی: "رێگە نادەین سەرۆكی رووسیا (ڤلادیمیر پوتین) تەلارسازیی ئاسایش كە دەیان ساڵە ئاشتی و سەقامگیری بۆ ئەورووپا بەدیهێناوە تێكبدات".