هێلی ئاسمانی عێراقی ئه‌مڕۆ یه‌كشه‌م ئاشكرای كرد، گه‌شته‌كانیان بۆ گه‌ڕانه‌وه‌ی ئه‌و كۆچبه‌رانه‌ی له سنووره‌كانی بیلاڕووسیا و پۆڵه‌ندا گیریان خواردووه به‌شێوه‌ی ڕۆژانه ئه‌نجام ده‌درێت.
حوسێن جه‌لیل گوته‌بێژی هێلی ئاسمانی عێراق ڕایگه‌یاند: هێڵی ئاسمانی كار له‌گه‌ڵ گه‌ڕانه‌وه‌ی ئاره‌زوومه‌ندانه‌ی كۆچبه‌ران ده‌كات و تا ئێستاش پێنج گه‌شتی گه‌ڕانه‌وه‌ی كۆچبه‌رانمان ئه‌نجامداوه.
زیاتر گوتی: تا ئێستا ئامارێكی دروستمان له‌سه‌ر ژماره‌ی ئه‌و كۆچبه‌رانه نییه كه له سنووره‌كان گیریان خواردووه و سه‌باره‌ت به گه‌ڕانه‌وه‌شیان به هه‌ماهه‌نگی له‌گه‌ڵ وه‌زاره‌تی ده‌ره‌وه ئه‌م كاره ده‌كه‌ین و ئه‌وان سه‌رپه‌رشتیاری ڕاسته‌وخۆی گه‌ڕانه‌وه‌ی كۆچبه‌ران ده‌كه‌ن.
حوسێن جه‌لیل هه‌روه‌ها ڕایگه‌یاند: هێڵی ئاسمانی كار له‌سه‌ر ژماره‌ی ئه‌و كۆچبه‌رانه ده‌كات كه ئاره‌زوومه‌ندانه ده‌یانه‌وێ بگه‌ڕێنه‌وه و گه‌شته‌كانیشمان ڕۆژانه ئه‌نجام ده‌ده‌ین و هه‌ر كۆچبه‌رێكیش بیه‌وێ بگه‌ڕێته‌وه هه‌موو هاوكارییه‌كی پێشكه‌ش ده‌كرێ.
هێلی ئاسمانی عێراقی تا ئێستا به ئه‌نجامدانی 5 گه‌شت له سنووره‌كانی بیلاڕووسیا و پۆڵه‌ندا دوو هه‌زار و چوارسه‌ت و هه‌شتا و پێنج كۆچبه‌ری گه‌ڕاندۆته‌وه عێراق و به‌گوێره‌ی زانیارییه‌كانیش سه‌دانی تریش چاوه‌ڕێی گه‌ڕانه‌وه‌ن.
کۆمێنت (0)
تا ئێستا هیچ کۆمێنتێک نەکراوە.