له هه‌فته‌ی یازده‌می خولی یانه‌كانی ئیتاڵیا، یانه‌ی یوڤنێتوس بووه میوانی یانه‌ی هیلاس ڤێرۆنا، له‌ئه‌نجامدا، یانه‌ی هیلاس ڤێرۆنا به دوو گۆڵ به‌رامبه‌ر به گۆڵێك سه‌ركه‌وتنی به‌ده‌ستهێنا.
له خوله‌كی یازده‌دا، جیۆڤانی سیمیۆنی ئه‌رژه‌نتینی كوڕی دیێگۆ سیمیۆنی ڕاهێنه‌ری یانه‌ی ئه‌تله‌تیكۆ مه‌درید گۆڵێكی بۆ هیلاس ڤێرۆنا تۆماركرد.
دوای سێ خوله‌كی دیكه‌ش، هه‌مان یاریزان گۆڵی دووه‌می خۆی و تیپه‌كه‌ی به‌ده‌ستهێناو گێمی یه‌كه‌م به‌م ئه‌نجامه ته‌واوبوو.
له گێمی دووه‌م و له خوله‌كی هه‌شتادا، ناوه‌ڕاستكاری ئه‌مه‌ریكی، وێستۆن ماكینی تاكه گۆڵی یوڤێنتوسی له یاریه‌كه تۆماركرد.
به‌م ئه‌نجامه‌ش یوڤێنتوس دووه‌م یاری له‌سه‌ریه‌ك و چواره‌م یاری له‌م وه‌رزه‌ی كالچیۆ دۆڕاندو به پازده خاڵ له پله‌ی هه‌شته‌می ڕیزبه‌ندی یانه‌كان دێت، هیلاس ڤێرۆناش به هه‌مان ژماره‌ی خاڵه‌كان و به جیاوازی گۆڵ سه‌ركه‌وت بۆ پله‌ی حه‌وته‌می ڕیزبه‌ند .
له خولی ئیتاڵیادا هیلاس ڤێرۆنا سه‌رکه‌وتنی به‌سه‌ر یوڤنێتوس تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.