له هه‌فته‌ی ده‌یه‌می خولی یانه‌كانی ئینگلته‌را، یانه‌ی ئارسناڵ سه‌ركه‌وتنێكی گرنگی له ده‌ره‌وه‌ی یاریگای خۆی به‌ده‌ستهێناو به دوو گۆڵی بێ به‌رامبه‌ر له یانه‌ی لیسته‌رسیتی میوانداری برده‌وه.
یاریزانانی ئارسناڵ هه‌ر له سه‌رتاوه به شێوه‌یه‌كی به‌هێز ده‌ركه‌وتن و پێنج خوله‌ك دوای فیكه‌ی ده‌ستپێكی یاری، گابریێل ماگالێسی به‌ڕازیلی سوودی له لێدانێكی كۆرنه‌ر وه‌رگرت و گۆڵێكی بۆ گانارز به لێدانی سه‌ر تۆماركرد.
پاشان یاریزان ئێمیل سمیت ڕۆی گۆڵی دووه‌می تیپی تۆپچیه‌كانی له خوله‌كی هه‌ژده به‌ده‌ستهێنا، دوای ئه‌م دوو گۆڵه‌ش یاریزانانی لیسته‌رسیتی هه‌وڵی گۆڕینی ئه‌نجامی یاریاندا، به‌ڵام سه‌رجه‌م هه‌وڵه‌كانیان بێسوود بوو.
به‌م بردنه‌وه‌ش كۆی خاڵه‌كانی ئارسناڵ له پله‌ی شه‌شه‌می ڕیزبه‌ندی یانه‌كان بۆ حه‌ڤده خاڵ به‌رزبووه‌وه‌و لیسته‌رسیتیش به چوارده خاڵ له پله‌ی ده‌یه‌می ڕیزبه‌ند دێت .
کۆمێنت (0)
تا ئێستا هیچ کۆمێنتێک نەکراوە.