یانه‌ی ڕیال مه‌درید سه‌ركه‌وتنی له هه‌فته‌ی دوازده‌می خولی ئیسپانیا به‌ده‌ستهێناو له ده‌ره‌وه‌ی یاریگای خۆی به دوو گۆڵ به‌رامبه‌ر به گۆڵێك له یانه‌ی ئێلچی میوانداری برده‌وه.
له گێمی یه‌كه‌مدا، ڕیال مه‌درید به گۆڵێك پێشكه‌وت، گۆڵه‌كه‌ش ڤینیسیوس جونیۆری به‌ڕازیلی له خوله‌كی بیستودوو تۆماریكرد، له گێمی دووه‌م و له خوله‌كی شه‌ست وچواردا، ناوبژیوان به كارتی سوور، یاریزان ڕائول گوتێرێزی له ڕیزی ئێلچی كرده ده‌ره‌وه‌ی یاریگاو به‌و هۆیه‌وه میوانداره‌كان یاریه‌كه‌یان به ده یاریزان ته‌واوكرد.
پاشان ڤینیسیوس جونیۆر گۆڵی دووه‌می خۆی و یانه‌ی شاهانه‌ی له خوله‌كی حه‌فتاوسێ به‌ده‌ستهێنا كه ئه‌مه‌ش حه‌وته‌م گۆڵی یاریزانه‌كه بوو له‌م وه‌رزه‌ی لالیگاو له پله‌ی دووه‌می ڕیزبه‌ندی گۆڵكارانی خوله‌كه دێت.
له‌و لاشه‌وه یاریزان پێرێ میلا تاكه گۆڵی ئێلچی له خوله‌كی هه‌شتاوشه‌ش تۆماركرد، به‌م بردنه‌وه‌ش ڕیال مه‌درید به شێوه‌ی كاتی سه‌ركه‌وت بۆ پێشه‌نگی ڕیزبه‌ندی یانه‌كان و كۆی خاڵه‌كانی گه‌یانده بیستوچوار خاڵ، ئێلچیش به ده خاڵ له پله‌ی پازده‌می ڕیزبه‌ند دێت .
کۆمێنت (0)
تا ئێستا هیچ کۆمێنتێک نەکراوە.