له‌ بۆندس لیگادا هۆڤنهایم سه‌رکه‌وتنی به‌سه‌ر هێرتا به‌رلین تۆمارکرد

له‌ده‌ست پێكی گه‌ری ده‌یه‌مینی خولی بۆندس لیگای ئه‌لمانی یانه‌ی هۆڤنهایم له‌سه‌ر یاریگای خۆی به‌ دوو گۆلی بێ به‌رامبه‌ر له‌ یانه‌ی هێرتابه‌رلینی میوانی برده‌وه‌ .
 یارییه‌كه‌ له‌سه‌ر یاریگای راین نیكا ئه‌رینا به‌رێوه‌ چوو ، خاوه‌ن مال نۆزده‌ خوله‌كیان پێویست بوو تاوه‌كو گۆلی یه‌كه‌م تۆمار بكه‌ن كاتێك یاریزانی كرواتی ئیندریج كراماریتش یانه‌كه‌ی به‌ گۆلێك پێشخست .
 له‌ خوله‌كی سی و شه‌شیش سباستیان رۆدی ئه‌لمانی گۆلی دووه‌می بۆ خاوه‌ن یاریگا تۆمار كردو گێمی یه‌كه‌م به‌م ئه‌نجامه‌ ته‌واو بوو .
 له‌ گێمی دووه‌م و له‌ خوله‌كی حه‌فتاو شه‌ش ناوبژیوان یاریزانی به‌لجیكی و یانه‌ی هێرتابه‌رلین دیدرك بۆیانای به‌كارتی سوور كرده‌ ده‌ره‌وه‌ی یاریگا و یاریش به‌ دوو گۆلی بێ وه‌لام به‌سوودی یانه‌ی هۆڤنهایم كۆتایی پێ هات و یانه‌كه‌ چواره‌م بردنه‌وه‌ی به‌ده‌ست هێناو به‌ چوارده‌ خال سه‌ركه‌وت بۆ پله‌ی حه‌وته‌می ریزبه‌ندی، یانه‌ی هێرتابه‌رلینیش تووشی شه‌شه‌م دۆراندن هات و به‌ دوازده‌ خال له‌ پله‌ی یازده‌هه‌مینی ریزبه‌ندی مایه‌وه‌ .