فڕۆکە جه‌نگییه‌کانی تورکیا بۆردومانی خاڵێکی چه‌کدارانی په‌که‌که‌ له‌ چیای هه‌ڵگورد ده‌که‌ن

په‌یامنێری كوردستان تیڤى رایگه‌یاند: فرۆكه‌ جه‌نگییه‌كانی توركیا بۆردومانی ناوچه‌یه‌ك له‌  چیای هه‌ڵگورد ده‌كه‌ن.
مه‌هدی داود په‌یامنێری كوردستان تیڤی رایگه‌یاند: كاتژمێر 10:45  پێش نیوه‌ڕۆی ئه‌مڕۆ سێشه‌ممه‌ 5 ى 10 ى 2021 ،  فڕۆکە جەنگیەکانی توركیا  بۆردومانی خاڵێكی چه‌كدارانی په‌كه‌كه‌یان  له‌سنوری گوندی بێ جوانا  له‌بناری چیای هه‌ڵگورد كرد.

په‌یامنێری كوردستان تیڤى رایگه‌یاند: به‌ پێی ووته‌ی شاهێد حاڵانی ناوچه‌كه‌ كه‌ به‌ ماڵپه‌ری كوردستان تیڤی یان راگه‌یاند: بۆردومانه‌كه‌ لەنزیک شوێنێكی  کشتوکاڵی  گوندیشنانی ناوچه‌كه‌ بووه‌ ، كه‌ پێشتر به‌هۆی چه‌كدارانی په‌كه‌كه‌وه‌ ئه‌م ناوچه‌یه‌ چۆلكراوه‌ .
مه‌هدی داود راشیگه‌یاند: تا ئێستا زه‌ره‌ر و زیانه‌كانی بۆردومانه‌كه‌ بۆ ئه‌م ناوچه‌یه‌ نه‌زانراوه‌.

جێگای ئاماژه‌  پێدانه‌،  به‌هۆی بوونی  باره‌گای چه‌كدارانی په‌كه‌كه‌وه‌ له‌ناوچه‌ سنورییه‌كانی هه‌رێمی كوردستان، بووه‌ته‌ هۆكاری ئه‌وه‌ی كه‌ ئه‌م ناوچانه‌ رووبه‌رووی هێرشی فرۆكه‌ جه‌نگییه‌كانی توركیا ببێته‌وه‌ و  زه‌ره‌ر و زیانی ماددی و گیانیش به‌ر هاووڵاتیانی كوردستان كه‌وتووه‌.

دارشتنه‌وه‌ی هه‌واڵ - شوان عه‌زیز