ده‌سته‌ی كه‌شوهه‌وای عێراق ئه‌مڕۆ یه‌كشه‌م واده‌ی یه‌كه‌م بارینی بارانی له عێراق ئاشكرا كرد و ڕاشیگه‌یاند كه پێشبینی ناكه‌ن ئه‌مساڵ باران زۆر ببارێت و ڕه‌نگه ڕێژه‌كه‌‌ی هه‌مان بارانی ساڵی پار بێت.
عامر ئه‌لجابری به‌رپرسی ڕاگه‌یاندنی ده‌سته‌ی كه‌شوهه‌وای عێراق ڕایگه‌یاند: تۆژینه‌وه‌كان تا ئێستا به دروستی ده‌ریان نه‌خستووه كه‌ی یه‌كه‌م باران له عێراق ده‌بارێت، هه‌روه‌ها به‌داخه‌وه به‌گوێره‌ی لێكدانه‌وه‌كانمان پشبینی ده‌كه‌ین ڕێژه‌ی بارینی باران هه‌مان ڕێژه‌ی پارساڵ بێت.
هه‌روه‌ها ڕایگه‌یاند: هۆكاری نه‌بارینی باران بۆ به‌رزی پله‌ی گه‌رما و وشكه‌ساڵی ده‌گه‌ڕێته‌وه كه كاریگه‌ری خراپی كردۆته سه‌ر باران له عێراق به گشتی.
عامر ئه‌لجابری جه‌ختیشی كرده‌وه، به‌شێوه‌یه‌كی گشتی پێشبینی ناكه‌ین ئه‌مساڵ بارانی زۆر ببارێت و به‌داخه‌وه به‌هه‌مان شێوه‌ی ساڵی پار وشكه‌ساڵی ده‌بێت.
به‌رپرسی ڕاگه‌یاندنی ده‌سته‌ی كه‌شوهه‌وای عێراق ڕاشیگه‌یاند، ڕه‌نگه له‌م مانگه یان مانگی داهاتوو به‌ڕێژه‌ی كه‌م و له هه‌ندێ ناوچه بارانی كه‌م ببارێ، به‌ڵام به‌شێوه‌یه‌كی گشتی گه‌شبینین نین و ترسی وشكه‌ساڵیمان هه‌یه.
کۆمێنت (0)
تا ئێستا هیچ کۆمێنتێک نەکراوە.