له گه‌ری حه‌وته‌می خولی یانه‌كانی ئیتالیا یانه‌ی ئینته‌رمیلان پاله‌وانی پارسالی خوله‌كه له ده‌ره‌وه‌ی یاریگای خۆی سه‌ركه‌وتنی به‌سه‌ر یانه‌ی ساسۆلۆی میوانداری تۆمار كرد.
یاریه‌كه له‌سه‌ر ستادیۆمی مابی به‌رێوه چوو ، خاوه‌ن مال بیستو دوو خوله‌كیان پێویست بوو تا گۆلی یه‌كه‌م تۆمار بكه‌ن كاتێك یاریزان دۆمینیكۆ بیراردی سوودی له لێدانێكی سزا وه‌رگرت و خاوه‌ن مالی له گێمی یه‌كه‌م پێشخست.
له گێمی دووه‌م ئاستی یانه‌ی ئینته‌رمیلان باشتر بوو له خوله‌كی په‌نجاو هه‌شت ئیدین دزیكۆی بۆسنی به تۆمار كردنی گۆلێك ئه‌نجامه‌كه‌ی یه‌كسان كرده‌وه .
له خوله‌كی حه‌فتاو هه‌شتیش لاوتارۆ مارتینیزی ئه‌رجه‌نتینی به لێدانی سزا گۆلی دووه‌م و سه‌ركه‌وتنی بۆ ئینته‌رمیلان تۆمار كردو یانه‌كه پێنجه‌م بردنه‌وه‌ی له‌م وه‌رزه‌ی خوله‌كه‌ی به‌ده‌ست هێناو كۆی خاله‌كانیشی له پله‌ی دووه‌می ریزبه‌ندی بۆ حه‌ڤده خال به‌رزكرده‌وه یانه‌ی ساسۆلۆش توشی چواره‌م دۆراندن هات و خاوه‌نی حه‌وت خاله‌و له پله‌ی دوازده‌مینی ریزبه‌ندی دێت .
کۆمێنت (0)
تا ئێستا هیچ کۆمێنتێک نەکراوە.