له یاری لوتكه‌ی گه‌ری هه‌شته‌می خولی یانه‌كانی ئیسپانیا یانه‌ی ئه‌تله‌تیكۆ مه‌درید خاوه‌نی نازناوی پارسالی خوله‌كه میوانداری یانه‌ی بارسێلۆنا كردو یاریه‌كه‌شی لێ برده‌وه به ئه‌نجامی دوو گۆڵی بێ به‌رامبه‌ر.
یارییه‌كه له‌سه‌ر یاریگای واندا میترۆ پۆلیتانۆ له مه‌درید به‌رێوه چوو ، یاریزانانی هه‌ردوو یانه به‌هێرش بردن بۆ سه‌ر گۆلی یه‌كتری ده‌ستیان به‌یاریه‌كه كرد، به‌لام هێرشه‌كانی خاوه‌ن یاریگا باشترو كاریگه‌رتر بوون.
له خوله‌كی بیست و سێ تۆماس لیماری فه‌ره‌نسی گۆلی یه‌كه‌می بۆ میوانداره‌كان تۆمار كرد، به‌ر له ته‌واو بوونی گێمی یه‌كه‌م به خوله‌كێك لویس سوارێزی ئۆرگوایی گۆلی دووه‌می بۆ ئه‌تله‌تیكۆ مه‌درید تۆمار كرد.
له گێمی دووه‌میش ئه‌نجامی یاری گۆرانكاری دیكه‌ی به‌خۆوه نه‌بینی و ئه‌تله‌تیكۆمه‌درید پێنجه‌م بردنه‌وه‌ی له‌م وه‌رزه‌ی به‌ده‌ست هێناو كۆی خاله‌كانیشی له پله‌ی دووه‌می ریزبه‌ندی یانه‌كان بۆ حه‌ڤده خال به‌رزبۆوه‌و به جیاوازی گۆل له‌دوای ریاڵ مه‌دریدی پێشه‌نگه‌وه دێت ، یانه‌ی بارسێلۆناش تووشی یه‌كه‌م دۆراندن هات له خولی ناوه‌خۆ و خاوه‌نی دوازده خاله‌و له پله‌ی ده‌یه‌م دێت .
له لالیگادا ئه‌تله‌تیکۆ مه‌درید سه‌رکه‌وتنی به‌سه‌ر بارسێلۆنا تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.