له‌ پریمه‌رلیگدا مانچسته‌ریونایتد و ئێڤێرتۆن یه‌کسانبوون

 له‌ هه‌فته‌ی حه‌وته‌می خولی ئینگلته‌را، یانه‌ی مانچسته‌ریونایتد میوانداری یانه‌ی ئێڤێرتۆنی كرد، له‌ئه‌نجامدا هه‌ردوو یانه‌ به‌ گۆڵێك بۆ هه‌ریه‌كه‌یان یه‌كسان بوون.
 له‌ گێمی یه‌كه‌مدا، مان یونایتد به‌ گۆڵێك پێشكه‌وت، گۆڵه‌كه‌ش ئه‌نتۆنی مارسیالی فه‌ڕه‌نسی له‌ خوله‌كی چلوسێ تۆماری كرد.
 له‌ گێمی دووه‌میش یاریزانانی ئێڤێرتۆن هه‌وڵی یه‌كسان كردنه‌وه‌ی ئه‌نجامی یاریاندا، تا له‌ خوله‌كی شه‌ستوپێنج، یاریزان ئه‌ندرۆس تاونسێند ده‌رفه‌تێكی قۆسته‌وه‌و گۆڵی به‌رامبه‌ری تیپی میوانی به‌ده‌ستهێناو ئه‌نجامه‌كه‌ی یه‌كسان كرده‌وه.
 به‌م ئه‌نجامه‌ش كۆی خاڵه‌كانی مان یونایتد له‌ پله‌ی سێیه‌می ڕیزبه‌ندی یانه‌كان بۆ چوارده‌ خاڵ به‌رزبووه‌وه‌و ئێڤێرتۆنیش به‌ هه‌مان ژماره‌ی خاڵه‌كان و به‌ جیاوازی گۆڵ له‌ پله‌ی چواره‌می ڕیزبه‌ند دێت .