له‌میانه‌ی به‌شداریكردن له بەرنامەی (بازنەکانی ھەڵبژاردن)، ژماره‌یه‌ك له كاندیدانی پارتی دیموكراتی كوردستان تیشكیان خسته سه‌ر به‌رنامه‌ی پارتی و هه‌وڵه‌كانیان بۆ جێبه‌جێكردنی له ئه‌نجوومه‌نی نوێنه‌رانی عێراق.
مەریوان قەرەنی ئیبراھیم کاندیدی ژمارە ٣٣ـی بازنەی ٤ـی پارێزگای ھەولێر لای خۆیه‌وه ڕایگه‌یاند:
به‌رنامه‌ی كاری ئێمه به‌رنامه‌ی پارتی دیموكراتی كوردستانه، هه‌ندێك بابه‌تی نه‌ته‌وه‌یی و به‌رگریكردنه له قه‌واره‌ی هه‌رێم و به‌رگریكردن له كوردستان ، كاركردن بۆ جێبه‌جێكردنی مادده ده‌ستوورییه‌كان كه زۆرترین مادده پێشێل كراوه و جێبه‌جێ نه‌كراون .
سه‌باره‌ت به خزمه‌تكردنی شه‌هیدانی كوردستان پێویسته به پێی ده‌ستوور مافه ڕه‌واكانی ئه‌و شه‌هیدانه بۆ خانه‌واده‌كانیان دابین بكرێت، هه‌روه‌ها بۆ پێشمه‌رگه و كه‌مئه‌ندامانی سه‌نگه‌ریش كه ئه‌وانه له چوارچێوه‌ی عێراق به‌رگرییان كردووه له دوژمنان و تیرۆریستان.
دکتۆرە نەھلە قادر محەمەد کاندیدی ژمارە ٣١ـی بازنەی ٤ـی پارێزگای ھەولێر ڕایگه‌یاند :
به‌رنامه‌ی كارمان، ده‌ستمان كرد به ته‌واوی چین و توێژه‌كان بۆ ئه‌وه‌ی جگه له به‌رنامه‌ی پارتی، خوێندنه‌وه‌ی ته‌واومان هه‌بێت له سه‌ر داوا و خواسته‌كانی خه‌ڵكی كوردستان كه خۆی له یه‌كگرتنه‌وه‌ی داوا و خواسته‌كان و به‌رنامه‌ی پارتی ده‌بینێته‌وه، وه‌ك خۆشم هه‌وڵه‌كانم زیاتر ده‌بێت له بواری په‌روه‌رده و فێركردن و خوێندنی باڵا، هه‌روه‌ها هه‌وڵی گه‌یاندن و خزمه‌تی باشتر بكه‌ین بۆ گه‌یاندنی خزمه‌تگوزارییه‌كان له‌م بواره‌دا .
هه‌وڵ بۆ یه‌كڕیزی ده‌ده‌ین له ناو عێراق و هه‌رێمی كوردستان بۆ ده‌سته‌به‌ركردنی ئه‌و مافانه‌ی كه په‌یوه‌ندیی به خاك و نیشتمان و ناوچه‌كانی ده‌ره‌وه‌ی ئیداره‌ی هه‌رێم هه‌یه .
هه‌روه‌ها دکتۆر صباح صوبحی حەیدەر میرانی کاندیدی ژمارە ٣٦ـی بازنەی ٤ـی پارێزگای ھەولێر ڕایگه‌یاند :
به‌رنامه‌ی كاری ئێمه به‌رنامه‌ی پارتی دیموكراتی كوردستانه كه چوارچێوه‌یه‌كی فراوانی بۆ ئێمه و كاندیدان داناوه، له هه‌مووی گرینگتر بنیادنانی وڵاتێكه به ناوی عێراقی هاوچه‌رخ .
ئه‌وه‌ی تایبه‌ته به خه‌ڵكی كوردستان ئه‌وه‌یه له‌ژێر سیسته‌می فیدراڵی كار بكه‌ین كه وه‌كو پێویست ئه‌و سیسته‌مه جێبه‌جێ نه‌كراوه، هه‌روه‌ها پره‌نسیپه‌كانی فیدڕاڵی كارا نه‌كراوه .
له‌باره‌ی كاركردن بۆ جێبه‌جێكردنی ئه‌و یاسایانه‌ی كه پێشتر ده‌رچووه، دكتۆر صوبحی ڕوونی كرده‌وه كه پێویسته به‌دواداچوون بكه‌ین، جگه له‌وه‌ش بۆ له‌مه‌ودوا له هه‌ر ڕێككه‌وتنێكی عێراق له‌گه‌ڵ وڵاتانی ده‌ره‌وه پێویسته ڕا و سه‌رنج و تێبینی هه‌رێمی كوردستان وه‌ربگیرێت .
دارشتنی : سوهێل تاهیر
کۆمێنت (0)
تا ئێستا هیچ کۆمێنتێک نەکراوە.