ئه‌م ئێواره‌یه‌ له‌لالیگادا ئه‌تله‌تیکۆ مه‌درید میوانداری بلباو ده‌کات

 
له‌ هه‌فته‌ی پێنجه‌می خولی یانه‌كانی ئیسپانیا، كاتژمێر 5:15ی خوله‌كی ئه‌مرۆ ئێواره‌ به‌ كاتی هه‌ولێر، یانه‌ی ئه‌تله‌تیكۆ مه‌درید پاڵه‌وانی وه‌رزی ڕابردووی خوله‌كه‌ میوانداری یانه‌ی ئه‌تله‌تیك بلباو ده‌كات.
 بۆ خۆئاماده‌كردن بۆ یاریه‌كه‌ یاریزانانی ئه‌تله‌تیكۆ مه‌درید دوایین یه‌كه‌ی مه‌شقیان به‌سه‌رپه‌رشتی ڕاهێنه‌ری ئه‌رژه‌نتینی دیێگۆ سیمیۆنی سازكردو یاریزان خۆرخی كۆكی به‌هۆی پێكان له‌ مه‌شقه‌كان دابڕاو به‌شداری له‌ یاری ئه‌مرۆناكات.
 هاوكات تۆماس لێماری فه‌ڕه‌نسی به‌ هه‌مان شێوه‌ پێكانی هه‌یه‌و له‌ یاریه‌كه‌ داده‌بڕێ، ئه‌تله‌تكیۆ مه‌درید هیچ یاریه‌كی له‌م وه‌رزه‌ی لالیگا نه‌دۆڕاندووه‌و به‌ كۆكردنه‌وه‌ی ده‌ خاڵ له‌ پله‌ی سێیه‌می ڕیزبه‌ندی یانه‌كان دایه، بلباویش به‌ هه‌مان شێوه‌ هیچ یاریه‌كی له‌ خوله‌كه‌ نه‌دۆڕاندووه‌و به‌ هه‌شت خاڵ له‌ پله‌ی پێنجه‌می ڕیزبه‌ندی دێت.
 ئه‌تله‌تیكۆ مه‌درید هه‌وڵی پارێزگاریكردن له‌ نازناوی خولی ئیسپانیا ده‌دات و به‌م دواییه‌ش ئه‌نتوان گریزمان له‌ یانه‌ی بارسێلۆناوه‌ به‌ خواستن جارێكی دیكه‌ گه‌ڕایه‌وه‌ ڕیزی ڕۆخی بلانكۆس، هاوكات یاریزان سائول نیگویز ڕیزی ئه‌تله‌تیكۆی جێهێشت و به‌ خواستن په‌یوه‌ندی به‌ چێڵسی كرد .