نێچیرڤان بارزانی، سه‌رۆكی هه‌رێمی كوردستان گه‌یشته له‌نده‌ن و سه‌رۆكایه‌تی هه‌رێم رایگه‌یاند: هه‌رێمی كوردستان و به‌ریتانیا شه‌ڕی دژی تیرۆر و دۆخ و سه‌قامگیری ناوچه‌كه تاوتوێ ده‌كه‌ن.
سه‌رۆكایه‌تی هه‌رێمی كوردستان بڵاویكرده‌وه: ئه‌مڕۆ چوارشه‌ممه 2021/9/15 نێچیرڤان بارزانى، سه‌رۆكى هه‌رێمى كوردستان، به سه‌ردانێكى فه‌رمى گه‌یشته له‌نده‌نى پایته‌ختى شانشینى یه‌كگرتوو.
راشیده‌گه‌یه‌نن: نێچیرڤان بارزانى له میانى سه‌ردانه‌كه‌یدا له‌گه‌ڵ بۆریس جۆنسۆن سه‌رۆك وه‌زیران و وه‌زیرانى ده‌ره‌وه و به‌رگرى و به‌رپرسانى دیكه‌ى به‌ریتانیا كۆده‌بێته‌وه و بره‌ودان به په‌یوه‌ندییه‌كان و فراوانكردنى بواره‌كانى هاریكارى و هاوبه‌شیى عیراق و هه‌رێمى كوردستان له‌گه‌ڵ به‌ریتانیا، شه‌ڕى دژى تیرۆر، دۆخ و سه‌قامگیریى عیراق و ناوچه‌كه به‌گشتى تاوتوێ ده‌كه‌ن.
کۆمێنت (0)
تا ئێستا هیچ کۆمێنتێک نەکراوە.