ئەمڕۆ یەکشەممە ٢٠٢١/٩/١٢ بێگەرد تاڵەبانی وەزیری کشتوکاڵ و سەرچاوەکانی ئاو، بەئامادەبونی ب.گشتی باخداری و دارستان و پاوان و ژمارەیەک لە بەڕێوەبەرانی وەزارەت، لەگەڵ بەرێوەبەرانی بەڕێوەبەرایەتی پۆلیسی دارستان و ژینگەی هەرێم کۆبۆوە.
ئامانجی کۆبونەوەکە بریتی بوو لە پتەوکردنی زیاتری پەیوەندیەکان و هەماهەنگی لە کارە هاوبەشەکانی لە نێوان بەڕێوەبەرایەتیەکانی سەر بە ب.گ.باخداری و دارستان و پاوان لەگەڵ بەڕێوەبەرایەتی پۆلیسی دارستان و ژینگەی هەرێمی کوردستان.
دوابەدوای گفتوگۆ و خستنەر رووی سەرجەم کێشە و بەربەستەکان و پێشنیار و چارەسەریەکان ، لەو کۆبونەوەکەیەدا جەخت کرایەوە لە سەر کارکردنی بەردەوام لە ژێر رۆشنایی یاساو رێنماییە کارپێکراوەکانی وەزارەتی کشتوکاڵ و سەرچاوەکانی ئاو، بۆ کۆنترۆڵکردنی سەرپێچی و زیادەرۆیەکانی سەر پرۆژەکانی دارستان باخداری و نەمامگە و پاوانەکانی هەرێمی کوردستان.
لەلایەن خۆیەوە بێگەرد تاڵەبانی، سوپاسی ماندوبوونی کارمەندانی بەڕێوەبەرایەتی پۆلیسی دارستان و ژینگەی هەرێمی کوردستانی کرد، لەپای دڵسۆزی راپەراندنی ئەرکەکانیان لە پێناو پاراستنی دارستانەکانی هەرێمی کوردستان.
لەکۆتایدا بڕیاردرا کۆبونەوە و هەماهەنگیەکان لە نێوان وەزارەت و بەڕێوەبەرایەتی پۆلیسی دارستان و ژینگەی هەرێم بەردەوام بێت و پێکەوە بریار لەسەر چارەسەرکردنی هەر کێشە و پێشهاتێکی تایبەتمەندی نێوانیان بدرێت.
کۆمێنت (0)
تا ئێستا هیچ کۆمێنتێک نەکراوە.