ئه‌ڤرو سپێدێ 12-9-2021 ل ئوتێلا ریكسوس ل باژێرێ دهۆكێ ب ئاماده‌بونا به‌رێز د.على ته‌ته‌ر پارێزگارێ دهوكێ وهژماره‌كا بازرگانێن كوردستانێ وعیراقێ وتركیا كوربه‌ندێ هه‌ڤنیاسین وكاركرنێ ب هه‌ڤكاریا ژورا بازرگانیا دهۆكێ هاته ئه‌نجامدان.
درێ ورسمێن ده‌ستپێكرنا كوربه‌نیدا ئه‌یاد حسن سه‌روكێ ژورا بازرگانیا دهۆكێ دپه‌یڤه‌كێدا بخێر هاتنا پارێزگارێ دهۆكێ وهه‌موو بازرگانێن پشكداركر تایبه‌تى بازرگانێن وه‌لاتێ تركیا وهیڤى خاستن كو ب رێكا كوربه‌ندى هه‌ڤدیتن وهه‌ڤنیاسین دناڤبه‌را بارزگانێن عیراقێ وكوردستانێ وتركیا دا پتر بهێنه كرن وهه‌موو لایه‌ن پتر ئاسانكاریا بكه‌ن بو وێ یه‌كێ بزاڤا بازرگانى دناڤبه‌را هه‌موو ئالیان دا پتر گه‌شه‌كرنێ بكه‌ت.
پاش نه‌واف قلیچ سه‌روكێ كومه‌لا(ئوسیاد) یا بازرگانێن وه‌لاتێ تركیا دپه‌یڤه‌كێدا خوشحالیا خو ب كوربه‌ندى دیاركر هه‌روه‌سا سوپاسیا حكومه‌تا كوردستانێ وپارێزگه‌ها دهۆكێ كر بو وان ئاسانكاریێن بو بازرگانێن تركیا دهێنه كرن وگوت: ل دووڤ پێشبینیا ئه‌م چاڤه‌رێدكه‌ین ژ سالا( 2023هه‌تا 2027) ئاستێ ئالوگوركرنا بازرگانى دناڤبه‌را تركیا وعیراقێ وهه‌رێما كوردستانێ بگه‌هیته دورێت (50) ملیار دولارا.
هه‌روسا به‌رهه‌ڤیا كومه‌لا ئوسیاد دیاركر كو كارگه‌ها وپرۆژێن وه‌به‌رهینانێ وبازرگانى ل دهۆكێ وهه‌رێمێ وعیراقێ ئاڤاكه‌ن.
پارێزگارێ دهۆكێ دپه‌یڤه‌كێدا گوت:ئه‌م وه‌كو پارێزگه‌ها دهۆكێ مزگینیێ دده‌ینه بازرگانێن تركیا وعیراقێ وكوردستانێ دێ هه‌موو ئاسانكاریا كه‌ین وروتینێ ناهێلین بو وێ یه‌كێ بزاڤا بازرگانى پتر بهێته خوشكرن و ده‌رگه‌هێن مه ژى دێ دڤه‌كریبن بو دووڤ چون وچارسه‌ركرنا هه‌ر ئاریشه‌كا بكه‌ڤیته به‌رسنگێ بازرگانان وته‌كه‌زكر كو ده‌رگه‌هێ ابراهیم خه‌لیل یێ بازرگانى هه‌موو ئاسانكاریا لدووڤ یاسا ورێنمایێن حكومه‌تا عیراقێ وحكومه‌تا هه‌رێما كوردستانێ پێشكێشدكه‌ت بو وێ یه‌كێ ئاریشه بهێنه چارسه‌ركرن وبزڤا بازرگانى پتر بهێته خورتكرن وسه‌ركه‌فتن بو كوربه‌ندى خواست.
هه‌ژى گوتنێ یه (40) كومپانى دهه‌موو سه‌كته‌ران دا ژهه‌ڤده پارێزگه‌هێن تركیا وهژماره‌كا بازرگانێن عیراقێ وهه‌رێمێ وپارێزگه‌ها دهۆكێ پشكدارى دكوربه‌ندیدا كریه وبو ماوێ رۆژه‌كێ دێ دان وستناندن وهه‌ڤدیتنا كه‌ن بو چاره‌ره‌سه‌ركرنا ئاریشێن دكه‌ڤنه درێكا بازرگانێن هه‌ردوو وه‌لاتان د
کوربه‌ندێ بازرگانى وئابورى دناڤبه‌را بازرگانێن کوردستانێ وعیراقێ وترکیا دا هاته ئه‌نجامدان
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.